જાણો ક્યારે અનુભવાશે ગુજરાતમાં ઠંડીનો ચમકારો, શું કહે છે હવામાન

નજીકના ભવિષ્યમાં ઠંડીનો પારો ઘટવાથી તાપમાન નીચું આવતા ગાત્રો થીજવતી ઠંડીનો અહેસાસ થશે. અત્યારે શિયાળાની સિઝન હોવા છતા ઠંડીનો અહેસાસ થઈ રહ્યો નથી. છેલ્લા કેટલાક દિવસથી ઠંડીનો ચમકારો ઓછો વત્તા અંશે જોવા મળી રહ્યો છે. ત્યારે ક્યારેક ગરમીનો અહેસાસ તો ક્યારેક ઠંડીનો અહેસાસ જોવા મળી રહ્યો છે.  વેસ્ટર્ન ડિસ્ટર્બન્સની અસર ના કારણે ઠંડીની અસર પણ નહિંવત જોવા મળી હતી ત્યારે 20 તારીખ બાદ થોડી ઠંડીનો અહેસાસ ફરીથી થઈ રહ્યો છે. હાલ અમદાવાદમાં તાપમાન 19 ડિગ્રી સુધી લઘુત્તમ તાપમાન જોવા મળી રહ્યું છે. રાજ્યમાં હજુ શિયાળાનો અનુભવ જે થવો જોઈએ તે ગાત્રો થીજવતી ઠંડીનો અહેસાસ ડિસેમ્બરના 20 દિવસ બાદ પણ થયો નથી ઉપરથી બેવડી ઋતુનો અનુભવ થઈ રહ્યો છે.

 શું કહે છે હવામાન વિભાગ

હવામાન વિભાગે આગાહી કરી છે કે ત્રણ દિવસ બાદ તાપમાનમાં 2થી 3 ડિગ્રીનો ઘટાડો થશે પરંતુ ગાત્રો થીજવતી ઠંડીનો અહેસાસ જાન્યુઆરી મહિનામાં થશે તેમજ આગામી પાંચ દિવસ સુધી રાજ્યમાં હવામાન સૂકું રહેવાની સંભાવના પણ છે. આ ઉપરાંત રાત્રિના તાપમાનમાં ઘટાડો થવાની શક્યતા છે.

ડીસેમ્બરમાં ગાત્રો થીજવતી ઠંડીનો અહેસાસ થવાની શક્યતા નહીં

ડિસેમ્બરમાં કોલ્ડવેવની કોઈ શક્યતા નથી. ડિસેમ્બર દરમિયાન સામાન્ય અથવા સામાન્ય કરતાં વધુ તાપમાન રહેવાની શક્યતા છે. વેસ્ટર્ન ડિસ્ટર્બન્સની અસર ન હોવાને કારણે ઠંડીની અસર પણ નહિવત છે. જો કે, ઉત્તર ગુજરાત અને સૌરાષ્ટ્રના કેટલાક જિલ્લાઓમાં તાપમાનમાં 4 ડિગ્રીનો ઘટાડો થવાની શક્યતા છે. તાજેતરમાં જ નલીયામાં 14 ડીગ્રી આસપાસ લધુત્તમ તાપમાન બે દિવસ પહેલા જોવા મળ્યું હતું.

કેટલાક વિસ્તારમાં થયું હતું માવઠું 
તાજેતરમાં પંચમહાલ, ખેડા, સાબરકાંઠા સહીતના કેટલાક વિસ્તારમાં માવઠું થયું હતું પરંતુ અત્યારે માવઠાને લઈને કોઈ સમાચાર નથી પરંતુ કેટલાક પાકોને ઠંડીની જરુર પડતી હોય છે ત્યારે ઠંડી પડે તે પણ જરૂરી છે.