યુટ્યુબમાં આવા ઘણા વીડિયો અપલોડ કરવામાં આવે છે, જે સંપૂર્ણપણે ફેક હોય છે અને છેતરપિંડી ચલાવે છે. યુટ્યુબ આવા વીડિયો પર સતત કાર્યવાહી કરે છે. આ વર્ષે, YouTube એ જાન્યુઆરી-માર્ચ ક્વાર્ટર દરમિયાન ભારતમાં સામુદાયિક ધોરણોનું ઉલ્લંઘન કરવા બદલ 1.9 મિલિયનથી વધુ વીડિયો ડીલીટ કર્યા છે. આ આંકડો અન્ય કોઈપણ દેશમાં ડીલીટ કરવામાં આવેલા વીડિયોની સંખ્યા કરતા વધુ છે. આ રીતે આ ત્રિમાસિક ગાળા દરમિયાન વીડિયો ડીલીટ કરવાના મામલે પણ એક રેકોર્ડ સર્જાયો છે. યુટ્યુબના એક રિપોર્ટમાં આ માહિતી આપવામાં આવી છે.
સમીક્ષા હેઠળના ક્વાર્ટરમાં, યુટ્યુબે સમુદાયના ધોરણોનું ઉલ્લંઘન કરવા બદલ વૈશ્વિક સ્તરે પ્લેટફોર્મ પરથી 6.48 મિલિયનથી વધુ વીડિયો હટાવી દીધા છે. તેમાંથી 19 લાખથી વધુ વીડિયો માત્ર ભારતના હતા. YouTube નો ‘કમ્યુનિટી ગાઈડલાઈન્સ એન્ફોર્સમેન્ટ’ રિપોર્ટ વીડિયો સ્ટ્રીમિંગ પ્લેટફોર્મને કઈ પ્રકારની ફરિયાદો મળી છે અને તેના પર તેણે શું પગલાં લીધાં છે તેની માહિતી આપે છે.
જાન્યુઆરી-માર્ચ વચ્ચે 19 લાખ વીડિયો હટાવ્યા
YouTube એ ભારતમાં ફરિયાદો પર કાર્યવાહી કરીને જાન્યુઆરી-માર્ચ 2023 દરમિયાન 19 લાખથી વધુ વીડિયો દૂર કર્યા છે. તેની સરખામણીમાં અમેરિકામાં 6.54 લાખ વીડિયો, રશિયામાં 4.91 લાખ વીડિયો અને બ્રાઝિલમાં 4.49 લાખ વીડિયો હટાવવામાં આવ્યા છે. YouTubeએ જણાવ્યું કે, એક કંપની તરીકેના અમારા શરૂઆતના દિવસોથી, અમારા કમ્યુનિટી ગાઈડલાઈન્સએ YouTube સમુદાયને હાનિકારક સામગ્રીથી સુરક્ષિત રાખ્યો છે. અમે મશીન લર્નિંગ અને સમીક્ષકો બંનેનો ઉપયોગ કરીને અમારા સમુદાય દિશાનિર્દેશો લાગુ કરીએ છીએ.
