અમેરિકા, રશિયા, ચીન, ફ્રાન્સ અને બ્રિટન સામેલ છે. વૈશ્વિક વસ્તી અને અર્થવ્યવસ્થા અને નવા ભૌગોલિક-રાજકીય સંજોગોને ધ્યાનમાં રાખીને કાયમી સભ્ય દેશોની સંખ્યામાં વધારો કરવાની લાંબા સમયથી માંગણી કરવામાં આવી રહી છે
બાર્બરા વુડવર્ડે કહ્યું કે બ્રિટન લાંબા સમયથી સુરક્ષા પરિષદના વિસ્તરણની માંગ કરી રહ્યું છે. અમે ભારત, જર્મની, જાપાન અને બ્રાઝિલ માટે નવી સ્થાયી બેઠકો તેમજ આફ્રિકા માટે કાયમી પ્રતિનિધિત્વનું પણ સમર્થન કરીએ છીએ.
જણાવી દઈએ કે હાલમાં સંયુક્ત રાષ્ટ્ર સુરક્ષા પરિષદના પાંચ સ્થાયી સભ્યો છે. જેમાં અમેરિકા, રશિયા, ચીન, ફ્રાન્સ અને બ્રિટન સામેલ છે. વૈશ્વિક વસ્તી અને અર્થવ્યવસ્થા અને નવા ભૌગોલિક-રાજકીય સંજોગોને ધ્યાનમાં રાખીને કાયમી સભ્ય દેશોની સંખ્યામાં વધારો કરવાની લાંબા સમયથી માંગણી કરવામાં આવી રહી છે.
ભારતે G4 દેશો વતી આ માંગણી કરી હતી
સંયુક્ત રાષ્ટ્રમાં ભારતના સ્થાયી પ્રતિનિધિ રૂચિરા કંબોજે પણ ગુરુવારે સંયુક્ત રાષ્ટ્ર મહાસભા (UNGA)માં G-4 વતી નિવેદન આપ્યું હતું. આમાં તેમણે સંયુક્ત રાષ્ટ્ર સુરક્ષા પરિષદમાં સમાન પ્રતિનિધિત્વનો આગ્રહ કર્યો હતો. કંબોજે ટ્વિટ કર્યું, ‘આજે મેં UNGAમાં G4 વતી UN સુરક્ષા પરિષદમાં સમાન પ્રતિનિધિત્વ પર નિવેદન આપ્યું. સુરક્ષા પરિષદના સુધારા લાંબા સમયથી અટકેલા છે, જેમાં પ્રતિનિધિત્વની વધુ અછત છે, જે સુરક્ષા સુરક્ષા પરિષદની કાયદેસરતા અને અસરકારકતા માટે એક આવશ્યક શરત છે.’
G4 દેશોમાં બ્રાઝિલ, જર્મની, જાપાન અને ભારતનો સમાવેશ થાય છે. કંબોજે, G4 દેશો વતી બોલતા કહ્યું કે એ પણ ધ્યાન રાખવું અગત્યનું છે કે આ વર્ષના ઉચ્ચ-સ્તરીય સપ્તાહ દરમિયાન, જેમાં 77મી મહાસભાની સામાન્ય ચર્ચા પણ સામલે છે, 70 થી વધુ દેશ અને સરકારના વડાઓ અને ઉચ્ચ સ્તરીય સરકારી પ્રતિનિધિઓએ એ વાતને રેખાંકિત કરી છે કે આ સ્તર દરમિયાન સુરક્ષા પરિષદમાં સુધાર આપણી પ્રાથમિકતાઓમાંની એક હોવી જોઈએ. આ વિષય માટે આ વ્યાપક સમર્થન તેની સુસંગતતા અને તાકીદની પુષ્ટિ કરે છે.
40 વર્ષ પછી પણ સમાન પ્રતિનિધિત્વ નથી: કંબોજ
કંબોજે કહ્યું કે સુરક્ષા પરિષદમાં સમાન પ્રતિનિધિત્વને 40 વર્ષ પહેલા મહાસભાના એજન્ડામાં સામેલ કરવામાં આવ્યું હતું. પરંતુ અફસોસની વાત એ છે કે ચાર દાયકા પછી પણ આ મુદ્દે કોઈ નક્કર કામગીરી કરવામાં આવી નથી. પરિણામે, સુરક્ષા પરિષદ હજુ પણ વર્તમાન ભૌગોલિક રાજકીય લેન્ડસ્કેપને પ્રતિબિંબિત કરતું નથી. તેનાથી વિપરીત, અન્ય ઘણી આંતરરાષ્ટ્રીય સંસ્થાઓએ પરિવર્તન અને અનુકૂલન કરવાનો પ્રયાસ કર્યો. સુરક્ષા પરિષદને આમાંથી બાકાત રાખવાનું કોઈ કારણ નથી.
