અમદાવાદ શહેરમાં એસઓજીની ટીમને એક મોટી સફળતી મળી છે. અમદાવાદ શહેરની અલગ-અલગ કુલ 17 બેન્કમાં એસઓજીની ટીમે તપાસ હાથ ધરી હતી. આ કાર્યવાહી હેઠળ ટીમે 14.31 લાખની નકલી ચલણી નોટો પકડી પાડી હતી.
એસઓજીએ આ નકલી ચલણી નોટો જપ્ત કરીને અજાણી વ્યક્તિઓ વિરુદ્ધ ગુનો દાખલ કર્યો છે. માહિતી મુજબ, એસઓજીની ટીમને તપાસ દરમિયાન 17 બેન્કમાંથી રૂ.2 હજાર, રૂ.500, રૂ.200, રૂ.100, રૂ.50, રૂ.20, રૂ.10 દરની કુલ 3574 નકલી નોટો મળી હતી, જેની કુલ રકમ રૂ.14.31 લાખ થાય છે.
17 બેન્કમાં તપાસ કરી 14.31 લાખની નકલી ચલણી નોટો પકડી પાડી
મીડિયા અહેવાલ મુજબ, આઈસીઆઈસીઆઇમાંથી 1252, બેન્ક ઓફ બરોડામાંથી 96, એચડીએફસીમાંથી 856, એક્સિસ બેન્કમાંથી 738, કોટક મહિન્દ્રામાંથી 384, ડીસીબીમાંથી 17, કાલુપુર કો.ઓ.બેન્કમાંથી 31, ગુજરાત સ્ટેટ કો.ઓ.માંથી 4, યસ બેન્કમાંથી 17, આડીબીઆઇમાંથી 80, સારસ્વતમાંથી 4, એયુ સ્મોલમાંથી 19, આઇડીએફસી ફર્સ્ટમાંથી 18, અભ્યુદમાંથી 3, એસબીઆઇમાંથી 8 નોટ મળી આવી હતી. આ મામલે એસઓજીની ટીમે નકલી નોટો અજાણી વ્યક્તિઓ વિરુદ્ધ ગુનો દાખલ કરીને વધુ તપાસ હાથ ધરી છે.
