સરકારી નોકરીઓ માટે રાજ્ય સરકાર 10 વર્ષ માટે ભરતી કેલેન્ડર તૈયાર કરવામાં આવશે. આગામી 2033 સુધીમાં મોટી સંખ્યામાં ભરતીઓ બહાર પાડવામાં આવશે. 2014થી લઈને 2033 સુધીમાં મોટી સંખ્યામાં ભરતીઓ થઈ છે ત્યારે જૂનું કેલેન્ડર આગામી સમયમાં પૂર્ણ થતું હોવાથી નવા કેલેન્ડર માટે સૈદ્ધાતિંક મંજૂરી મુખ્યમંત્રી ભૂપેન્દ્ર પટેલ દ્વારા આપી દેવામાં આવી છે.
વિભાગોમાં રાજ્ય સરકાર દ્વારા નવું 10 વર્ષીય ભરતી કેલેન્ડર તૈયાર કરવા સૈદ્ધાતિંક મંજૂરી આપવામાં આવી છે. વર્ષ 2024 થી 2033 માટેનું ભરતી કેલેન્ડર તૈયાર કરાશે. મુખ્યંત્રી ભૂપેન્દ્રભાઇ પટેલની અધ્યક્ષતામાં મળેલી કેબિનેટ બેઠકમાં રાજ્ય સરકારના વિવિધ વિભાગોની ભરતી પ્રક્રિયા માટેના ભરતી કેલેન્ડર સંદર્ભ નવું 10 વર્ષીય ભરતી કેલેન્ડર તૈયાર કરવામાં આવશે.
અગાઉ વર્ષ 2014માં પ્રસિધ્ધ થયેલ ભરતી કેલેન્ડર ડિસેમ્બર-2023મા પૂર્ણ થતું હોવાથી આગામી વર્ષ 2024 થી 2033 માટે વહીવટી વિભાગોમાં જગ્યાઓ ભરવા માટેના ભરતી કેલેન્ડર તૈયાર કરવાની સૈદ્ધાતિંક મંજૂરી અપાઇ છે.
અધિકારીઓ કેલેન્ડર તૈયાર કરવા કવાયત હાથ ધરશે
જેના અંતર્ગત અધિક મુખ્ય સચિવ, સામાન્ય વહીવટ વિભાગ, અધિક મુખ્ય સચિવ, નાણાં વિભાગ અને સચિવ, ખર્ચ કક્ષાએ તમામ વહીવટી વિભાગો સાથે નવું 10 વર્ષીય ભરતી કેલેન્ડર તૈયાર કરવા માટે તબક્કાવાર બેઠકોનું આયોજન કરવામાં આવશે.
છેલ્લા દસ વર્ષમાં 1 લાખ 67 હજાર થઈ ભરતીઓ
જૂન, જુલાઈ અને ઓગષ્ટ માસ દરમિયાન બેઠકો યોજીને દરેક વહીવટી વિભાગ માટેના નવા ભરતી કેલેન્ડર તૈયાર કરીને નવીન કેલેન્ડર પ્રસિદ્ધ કરવામાં આવશે. અત્રે નોંધનીય છે કે, વર્ષ 2014 થી 2023 દરમિયાન કૂલ-1,56,417 જગ્યાઓ ભરવાનું રાજ્ય સરકારનું આયોજન હતું. જેની સામે હાલની સ્થિતિેએ 1,67,255 જગ્યાઓ સીધી ભરતીથી ભરવામાં આવી છે.
શિક્ષિત બેરોજગારોનો આંક વધુ
શિક્ષિત બેરોજગારીનો આંકડો ખૂબ મોટો છે ત્યારે ભણેલા લોકોને નોકરી વિના બેસવાનો વારો આવ્યો છે ત્યારે આગામી સમયમાં નવા કેલેન્ડરથી મોટી આશા યુવાનો છે. જેથી વધુ ભરતીઓ ખાલી વિભાગોમાં કરવામાં આવે તે જરૂરી છે.
