મેસેજિંગ એપ WhatsAppમાં હવે તમને Zoom અને Google Meetની સુવિધા મળશે. વાસ્તવમાં, સોશિયલ મીડિયા પ્લેટફોર્મ WhatsAppએ વીડિયો કોલ્સ માટે સ્ક્રીન શેરિંગ અને ‘લેન્ડસ્કેપ મોડ’ની સુવિધા રજૂ કરી છે. મેટાના ચીફ એક્ઝિક્યુટિવ ઓફિસર (CEO) માર્ક ઝકરબર્ગે આની જાહેરાત કરી છે. ‘લેન્ડસ્કેપ’ એ એક હોરિઝોન્ટલ ‘મોડ’ છે જેનો ઉપયોગ વિશાળ સ્ક્રીન સામગ્રી જેમ કે વેબ પૃષ્ઠો, ચિત્રો, દસ્તાવેજો અથવા સંદેશાઓ પ્રદર્શિત કરવા માટે થાય છે.
સ્ક્રીન શેરિંગને ‘લાઇવ’ શેર કરવાની મંજૂરી મળશે
ઝકરબર્ગે ફેસબુક પર લખ્યું, “અમે તમારી સ્ક્રીનને વોટ્સએપ પર વીડિયો કોલ દરમિયાન શેર કરવાની ક્ષમતા ઉમેરી રહ્યા છીએ.” સ્ક્રીન શેરિંગ યુઝર્સને કોલ દરમિયાન તેમની સ્ક્રીનનું ‘લાઇવ’ દૃશ્ય શેર કરવાની મંજૂરી આપે છે. કંપનીએ એક નિવેદનમાં જણાવ્યું કે, ‘શેર’ આઇકોન પર ક્લિક કરીને અને ચોક્કસ એપ્લિકેશનને શેર કરવા અથવા સમગ્ર સ્ક્રીનને શેર કરવા વચ્ચે પસંદગી કરીને આ સુવિધા શરૂ કરી શકાય છે. મેટાએ કહ્યું, “હવે તમે તમારા ફોન પર વ્યાપક જોવા અને શેર કરવાના અનુભવ માટે ‘લેન્ડસ્કેપ મોડ’માં વીડિયો કોલ્સનો આનંદ પણ લઈ શકો છો.”
મલ્ટીપલ ફોન પર ચલાવવાની સુવિધા શરૂ કરી
તાજેતરમાં જ WhatsAppએ એક સાથે અનેક ફોન પર એક એકાઉન્ટ ચલાવવાની સુવિધા રજૂ કરી છે. યુઝર્સ ઘણા સમયથી આ ફીચરની માંગ કરી રહ્યા છે. આનાથી તેઓ તેમના ફોનમાં ચાર જેટલા વધારાના ઉપકરણો ઉમેરી શકશે, જેમ તમે વેબ બ્રાઉઝર, ટેબ્લેટ અને ડેસ્કટોપ પર WhatsApp ઉમેરો છો. પ્લેટફોર્મે જણાવ્યું કે વ્હોટ્સએપ એકાઉન્ટ સાથે લિંક કરેલ દરેક ફોન એ સુનિશ્ચિત કરશે કે ફક્ત યુઝર્સ અને સંપર્કમાં રહેલી વ્યક્તિ જ યુઝર્સના ખાનગી સંદેશાઓ, મીડિયા અને કોલ્સ જોઈ શકે છે. વોટ્સએપે એક નિવેદનમાં જણાવ્યું કે, “જો તમારું મૂળ ડિવાઇસ લાંબા સમયથી નિષ્ક્રિય હશે તો અમે તમને અન્ય તમામ ઉપકરણો પર WhatsAppમાંથી આપમેળે લોગ આઉટ કરીશું.”
