દર વર્ષે અશ્વિન મહિનાના કૃષ્ણ પક્ષની ચતુર્દશી તિથિના બીજા દિવસે સર્વપિતૃ અમાવસ્યા તિથિ આવે છે. તે મુજબ આ વર્ષે 14 ઓક્ટોબરે સર્વપિતૃ અમાવસ્યા આવી રહી છે. આ દિવસે પૂર્વજોને યાદ કરી તેમની વિશેષ પૂજા કરવામાં આવે છે. જણાવી દઈએ કે, આ દિવસે પિતૃ પક્ષ સમાપ્ત થાય છે.
ગરુડ પુરાણમાં જણાવ્યા મુજબ, આ દિવસે પિતૃઓની પૂજા કરવાથી વ્યક્તિને સંસારમાં તમામ પ્રકારના સુખ મળે છે. તેમ જ જીવનમાં પ્રવર્તતા તમામ પ્રકારના દુ:ખ અને પરેશાનીઓ દૂર થઈ જાય છે. જ્યોતિષોના મતે, સર્વપિતૃ અમાવસ્યા પર એક દુર્લભ ઈન્દ્ર યોગ રચાઈ રહ્યો છે. આ યોગમાં પૂર્વજોની પૂજા કરવી ખૂબ જ શુભ મનાય છે. આ યોગમાં પૂજા કરવાથી પિતૃઓ પ્રસન્ન થાય અને તેમના વિશેષ આશીર્વાદ મળે છે.
ઇન્દ્ર યોગ
મીડિયા અહેવાલ અનુસાર, ઈન્દ્ર યોગ અશ્વિન મહિનાની અમાવસ્યા તિથિએ રચાઈ રહ્યો છે. જ્યોતિષ શાસ્ત્ર શુભ કાર્યો માટે ઇન્દ્ર યોગને શ્રેષ્ઠ માને છે. આ યોગમાં પૂજા કરવાથી સાધકને શાશ્વત ફળની પ્રાપ્તી થાય છે. આ યોગની રચના સવારે 10.25 સુધી છે.
શુભ સમય
13 ઓક્ટોબરે રાત્રે 09:50 વાગ્યાથી અશ્વિન મહિનાની અમાવસ્યા તિથિ શરૂ થશે અને 14 ઓક્ટોબરે રાત્રે 11:24 વાગ્યા સુધી રહેશે. સનાતન ધર્મમાં ઉદયા તિથિ માનવામાં આવે છે. તેથી, 14 ઓક્ટોબરે સર્વપિત્રી અમાવસ્યા છે. આ દિવસે, કૅલેન્ડર દ્વારા નિર્ધારિત સમયે પૂર્વજોને શ્રદ્ધાંજલિ આપી શકાય છે.
અશુભ સમય
રાહુકાલ- સવારે 09.14થી 10.40 સુધી
ગુલિક કાલ- 06:21 AMથી 06:18 AM
(Disclaimer: આ લેખમાં સમાવિષ્ટ કોઈપણ માહિતી/ સામગ્રી/ ગણતરીઓની સચોટતા અથવા વિશ્વસનીયતાની ખાતરી આપવામાં આવતી નથી. આ માહિતી વિવિધ માધ્યમો/ જ્યોતિષીઓ/ પંચાંગો/ ઉપદેશો/ માન્યતાઓ/ ધાર્મિક ગ્રંથોમાંથી એકત્ર કરવામાં આવી છે અને તમારા સુધી લાવવામાં આવી છે. અમારો હેતુ માત્ર માહિતી આપવાનો છે. તેના વપરાશકર્તાઓએ તેને માત્ર માહિતી તરીકે જ માનવી જોઈએ. ઉપરાંત, તેના કોઈપણ ઉપયોગની જવાબદારી વપરાશકર્તાની પોતાની રહેશે.)
