ચાઈનીઝ સ્માર્ટફોન ઉત્પાદક OnePlus તેનો પહેલો ફોલ્ડેબલ ફોન લોન્ચ કરવા જઈ રહી છે. તમને જણાવી દઈએ કે વનપ્લસ ઓપન 19 ઓક્ટોબરે સાંજે 7:30 વાગ્યે લોન્ચ થશે. આ ડિવાઈસ સેમસંગના ગેલેક્સી ફોલ્ડ 5ને સીધી ટક્કર આપી શકે છે. આ સિવાય ઘણા નવા મીડિયા રિપોર્ટ્સ સામે આવ્યા છે કે આ ડિવાઇસની કિંમત રૂ. 1,00,000થી વધુ છે.
ફીચર્સ વિશે વાત કરીએ તો, આ ડિવાઇસમાં ટ્રિપલ કેમેરા સેટઅપ અને 120Hz રિફ્રેશ રેટ છે. મીડિયા અહેવાલ મુજબ, ભારતમાં OnePlus ઓપન ફોલ્ડેબલ ફોનની કિંમત આશરે રૂ. 1,39,999 નક્કી કરવામાં આવી છે. આ સિવાય એ પણ સામે આવ્યું છે કે ફોલ્ડેબલ ડિવાઇસનું વેચાણ 27 ઓક્ટોબરથી શરૂ થશે.
ફીચર્સ વિશે જાણો
કંપનીએ તેના સોશિયલ મીડિયા પ્લેટફોર્મ Weibo પર OnePlus Openના ડિસ્પ્લે અને કેમેરા સ્પેસિફિકેશન વિશે માહિતી આપી છે. રિપોર્ટ દર્શાવે છે કે ઉપકરણમાં 2K રિઝોલ્યુશન સાથે BOE પેનલ અને ઝડપી 120Hz રિફ્રેશ રેટ સાથે આંતરિક ડિસ્પ્લે છે. તમને જણાવી દઈએ કે, આ ડિસ્પ્લેમાં 1440Hz PWM ડિમિંગ અને 2,800nitsની પીક બ્રાઈટનેસની સુવિધા છે.
OnePlus Flod ના કેમેરા ફીચર્સ
જો ફોનના ફિચર્સ વિશે વાત કરીએ તો આ ડિવાઈસમાં ટ્રિપલ રિયર કેમેરા સિસ્ટમનો 48MP ડ્યુઅલ-લેયર ટ્રાન્ઝિસ્ટર આઉટસોલ પ્રાઇમરી કેમેરા, 3x ઓપ્ટિકલ ઝૂમ સાથે 64MP પેરિસ્કોપ સેન્સર અને 6x લોસલેસ સેન્સર અને 48 મેગાપિક્સલનો અલ્ટ્રાવાઈડ કેમેરા હશે. આ સિવાય OnePlus ઓપનમાં 67W ફાસ્ટ ચાર્જિંગ સાથે 100W ચાર્જર પણ આપવામાં આવી શકે છે. આમાં વાયરલેસ ચાર્જિંગ વિકલ્પ સામેલ કરવામાં આવી રહ્યો નથી. OnePlusનું આ ઉપકરણ OxygenOS 13 પર કામ કરશે. તેનું ડાયમેન્શન 11.7x6x5.8mm અને વજન અંદાજે 246 ગ્રામ હશે.
