દુનિયાભરમાં ગૂગલ સહિત અન્ય સર્ચ એન્જિમાં લોકો હવે કોવિડ અંગે સર્ચ કરવાનું ભૂલી ગયા છે. તાજેતરમાં ગૂગલે 2022ની ‘યર ઇન સર્ચ ની યાદી જાહેર કરી છે.
તે અનુસાર ગૂગલ પર દર સેકન્ડે 99 હજારથી વધુ વસ્તુઓ સર્ચ કરાય છે. દરમિયાન સર્ચ હિસ્ટ્રી લોકોની રુચિ અને ટ્રેન્ડ્સ વિશે ખુલાસો કરે છે. વર્ષ 2022માં લોકોએ ફિટ અને વર્કઆઉટ કેવી રીતે કરવું, તણાવ દૂર કરવાની રીત, માનસિક અને શારીરિક વિકાસની રીત અંગે સૌથી વધુ સર્ચ કર્યું હતું. છેલ્લાં બે વર્ષથી સમગ્ર દુનિયામાં છવાયેલા કોવિડથી સંબંધિત વિષયને લોકોએ નજરઅંદાજ કર્યો છે. લોકોએ માનસિક સ્વાસ્થ્ય પર પુસ્તકો, પૉડકાસ્ટ અને જર્નલિંગ ટેક્નિકો વિશે જાણકારી એકત્ર કરી છે.
આ વર્ષે અમેરિકામાં નેશનલ સ્યુસાઇડ પ્રિવેન્શન લાઇફલાઇન શરૂ કરી હતી. તેના માટે ઇમરજન્સી નંબર 988 જારી કરાયો હતો, જે ગૂગલ સર્ચમાં સામેલ હતો. બોડી વેઇટ વર્કઆઉટ માટે મોંઘાં ઉપકરણો ખરીદવા પડતાં નથી. લોકોએ ગૂગલ પર તેને વધુ સર્ચ કર્યું છે. સ્ટ્રેસ કેવી રીતે ઘટાડવો, પેનિક અટેકને રોકવાની રીત અંગે પણ સર્ચ કર્યું. બાળકોનું માનસિક સ્વાસ્થ્ય તેમજ શ્વાસથી જોડાયેલી કસરત અંગે પણ સર્ચ કરવામાં આવ્યું.
