સીએમ ભૂપેન્દ્ર પટેલે રાજ્યપાલને મંત્રીઓ સાથે રાજીનામું સોંપી દીધું છે. રાજીનામું આપ્યા બાદ નવી સરકારના ગઠબંધનને લઈને પણ તૈયારીઓ પણ આગામી સમયમાં કરવામાં આવશે. મુખ્યપ્રધાનનો ચહેરો સીએમ ભૂપેન્દ્ર પટેલ જ છે ત્યારે નવા મંત્રીઓના ચહેરામાં કોના નામ સમાવવામાં આવશે તેને લઈને નક્કી કરવામાં આવશે. જોકે રાજીનામાં બાદ નવી સરકારનો દાવો કરવામાં આવ્યો છે આ એક પ્રક્રીયા હોય છે જેમાંથી પસાર થવું પડશે. ખાસ કરીને આવતી કાલે ધારાસભ્ય દળની બેઠક બોલાવવામાં આવશે. ભાજપ દ્વારા મંત્રીઓના નામની મહોર લગાવવામાં આવશે.
ગૃહમંત્રી હર્ષ સંઘવી, દંડક પંકજ દેસાઈ સહીતના નેતાઓ રાજ્યપાલને મળવા આજે પહોંચ્યા હતા. પ્રધાન મંડળનું રાજીનામું પણ તેમની સાથે લેવાતું હોય છે. રાજભવનની અંદર રાજીનામું સુપરત કરવામાં આવે છે.
જે પક્ષ પાસે સૌથી વધુ સંખ્યા બળ હોય છે તે સરકાર દ્વારા કાયદાકીય પ્રક્રીયા સાથે દાવો રાજ્યપાલ સમક્ષ કરવાનો હોય છે. આ પ્રક્રીયા પણ એક સાથે ચાલી રહી છે. સંગઠન મહામંત્રીઓ પણ રાજ્યપાલ પાસે પહોંચ્યા હતા. સંગઠનના બીજા પદાધિકારીઓ પણ ત્યાં પહોંચ્યા હતા ત્યારે સીએમએ રાજીનામું આજે સોંપી દીધું છે. સીએમ દ્વારા નવી સરકાર માટેનો દાવો કરવામાં આવશે.
શંકર ચૌધરી, જીતુ વાધાણી, ઋષિકેશ પટેલ, કનુ પટેલ સહીતના નેતાઓના જો અને તોમાં નામ સમાવવામાં આવી શકે છે. ઝોન પ્રમાણે મંત્રીમંડળમાં નેતાઓનો સમાવેશ કરવામાં આવી શકે છે. 156 બેઠકોમાંથી મંત્રીઓના નામો સિલેક્ટ કરવામાં આવશે. જેમાં કેતન ઈમાનદાર, દક્ષિણ ગુજરાતના ક્લિન સ્વીપ જોવા મળ્યું છે ભાજપે જંગી જીત અહીં પણ મેળવી છે ત્યારે અંહીથી પણ નામોનો સમાવેશ કરવામાં આવી શકે છે.
બીજેપીના દંડકે કહ્યું કે, જૂનું મંત્રીમંડળ સહીતની ધારાસભ્યની મુદ્દત જાન્યુઆરીમાં પૂર્ણ થઈ રહી હતી જો કે, એ પહેલા નવી સરકારનો દાવો કરાયો છે. ત્યારે આવતી કાલે 10 વાગે તમામ ધારાસભ્યો કમલમ ખાતે ઉપસ્થિતિ રહેશે. જેમની મહત્વની બેઠક કાલે મળશે.
