ફિલ્મ ‘ધ કેરલા સ્ટોરી’ પર સ્ટે આપવાનો ઇનકાર કરતા કેરળ હાઈકોર્ટના આદેશ વિરુદ્ધ અરજદારોએ સુપ્રીમ કોર્ટમાં અરજી કરી છે. વરિષ્ઠ વકીલ કપિલ સિબ્બલે સુપ્રીમ કોર્ટને આ મામલાની વહેલી તકે સુનાવણી કરવા વિનંતી કરી, જેના પગલે ચીફ જસ્ટિસ ડી.વાય. ચંદ્રચુડે 15 મેના રોજ સુનાવણી કરવાનું કહ્યું છે. 5 મેના રોજ કેરળ હાઈકોર્ટે ફિલ્મ ‘ધ કેરળ સ્ટોરી’ની રિલીઝ પર રોક લગાવવાનો ઇનકાર કરી દીધો હતો.
‘ફિલ્મ સમાજમાં સાંપ્રદાયિકતા અને સંઘર્ષ કેવી રીતે ઊભી કરશે?’
કેરળનો બિનસાંપ્રદાયિક સમાજ આ ફિલ્મને જેમ છે તેમ સ્વીકારશે તેવું ભારપૂર્વક જણાવતા કેરળ હાઈકોર્ટે અરજદારોને પૂછ્યું કે, ફિલ્મ, જે કાલ્પનિક છે અને ઇતિહાસ નથી, તે સમાજમાં સાંપ્રદાયિકતા અને સંઘર્ષ કેવી રીતે પેદા કરશે. કોર્ટ એ પણ જાણવા માગે છે કે શું આખું ટ્રેલર સમાજ વિરુદ્ધ છે.
“ટ્રેલરમાં શું અપમાનજનક હતું?”
કોર્ટે ફિલ્મના સેન્સર સર્ટિફિકેટને રદ કરવાની માગ કરતી અરજીઓની બેચ પર વિચારણા કરતી વખતે કહ્યું હતું કે, “ફિલ્મના માત્ર સ્ક્રીનિંગથી કોઈ ફાયદો થશે નહીં.” ફિલ્મનું ટીઝર નવેમ્બરમાં રિલીઝ થયું હતું. ફિલ્મમાં વાંધાજનક શું હતું? અલ્લાહ જ ઈશ્વર છે એમ કહેવામાં ખોટું શું છે? દેશ નાગરિકોને તેમના ધર્મ અને ભગવાનને અનુસરવાનો અને પ્રચાર કરવાનો અધિકાર આપે છે. ટ્રેલરમાં શું અપમાનજનક હતું?”
‘ધ કેરલા સ્ટોરી’ 5 મેના રોજ સિનેમાઘરોમાં રિલીઝ થઈ
સુદીપ્તો સેન દ્વારા નિર્દેશિત ‘ધ કેરલા સ્ટોરી’ 5 મેના રોજ સિનેમાઘરોમાં રિલીઝ થઈ છે. આ ફિલ્મમાં અદા શર્મા, યોગિતા બિહાની, સિદ્ધિ ઈદનાની અને સોનિયા બાલાની મુખ્ય ભૂમિકામાં છે. આ ફિલ્મ બોક્સ ઓફિસ પર સારી કમાણી કરી રહી છે. ફિલ્મ ‘ધ કેરલા સ્ટોરી’ એક આતંકવાદી કાવતરા પર આધારિત છે. આ ફિલ્મ આતંકવાદનું કદરૂપું સત્ય બતાવે છે.
