જન સૂરાજ પદયાત્રાના સૂત્રધાર અને ચૂંટણી વ્યૂહરચનાકાર પ્રશાંત કિશોર સમસ્તીપુરમાં પદયાત્રા કરી રહ્યા છે. આ દરમિયાન તેમણે બિહારના મુખ્યમંત્રી નીતીશ કુમાર પર આકરા પ્રહારો કર્યા. જ્યારે પત્રકારોએ તેમને કહ્યું કે નીતીશ કુમારે ભૂતકાળમાં ભવિષ્યવાણી કરી હતી કે મારી ઉંમર 73 વર્ષ થઈ ગઈ અને 100 વર્ષમાં દુનિયા ખતમ થઈ જશે. આના પર પ્રશાંત કિશોરે નીતીશ કુમારને ઘેરતા કહ્યું કે આવી વાતો દર્શાવે છે કે તેઓ ભ્રમનો શિકાર બની ગયા છે. એવી બાબતો દર્શાવી રહી છે કે આજે બિહારની આવી હાલત કેમ છે?
“…તો પછી તેઓ તેની ફેક્ટરી વિશે પણ કેવી રીતે વિચારી શકે?”
પત્રકારો સાથેની વાતચીત દરમિયાન પ્રશાંત કિશોરે કહ્યું, “જ્યારે મને પૂછવામાં આવ્યું કે બિહાર જેવા રાજ્યમાં સેમિકન્ડક્ટર ફેક્ટરી કેમ નથી લાગતી, ત્યારે મેં પત્રકારોને કહ્યું કે બિહાર સરકારના સમગ્ર કેબિનેટને બોલાવો, જેમાં નીતીશ કુમારને પણ બોલાવી ઓ, જેઓ એન્જિનિયર પણ છે. નીતીશ કુમાર જો કહી દે કે સેમીકન્ડક્ટર શું હોય છે, તો અમે તેમના જૂતા માથે લઈ ચાલવા તૈયાર છીએ, તેમની આખી કેબિનેટમાં બેઠેલા મંત્રીને પણ ખબર નહીં હોય. જ્યારે બિહારના મંત્રીઓને નહીં ખબર હોય કે સેમિકન્ડક્ટર શું હોય છે, તો પછી તેઓ તેની ફેક્ટરી વિશે આ વિચારી પણ કેવી રીતે શકે? આજે બિહારના મુખ્યમંત્રી છે, તેમને તો ખબર નથી કે સેમિકન્ડક્ટર શું વસ્તુ હોય છે?
“આ માણસે આખા બિહારને અભણ અને મજૂર બનાવી દીધું છે”
તેમણે આગળ કહ્યું, “નીતીશ કુમારને આ સવાલ જરૂર થવો જોઈએ કે આર્ટિફિશિયલ ઈન્ટેલિજન્સથી અબજો ડોલરની નવી અર્થવ્યવસ્થા બની રહી છે, લાખો લોકોને રોજગાર મળી રહ્યો છે, આના પર તમારું શું કહેવું છે, તો નીતીશ કુમાર કહેશે છોડો, જવા ડો, આ બધાથી કશું થાય છે. તેમના હિસાબથી નહીં થતું હોય, માત્ર 400 રૂપિયા વૃદ્ધાવસ્થા પેન્શન આપવાથી જ થશે. 10 વર્ષ પહેલા સાયકલ વહેંચી કે બિહાર પ્રગતિ કરશે, આ માણસે આખા બિહારને અભણ અને મજૂર બનાવી દીધું છે. નીતીશ કુમાર જેવા લોકો ઈચ્છે છે કે બિહાર નિરક્ષર રહે, તો જ તેમને અને તેમના 9મા પાસ તેજસ્વી યાદવ જેવા માણસને અમારા નેતા માનીશું.”
નીતીશ કુમાર જેવા લોકો 1960માં જ જીવી રહ્યા છે – પ્રશાંત કિશોર
પ્રશાંત કિશોરે કહ્યું, “આજે વિશ્વ આર્ટિફિશિયલ ઇન્ટેલિજન્સ વિશે વાત કરી રહ્યું છે, તેનો ઉપયોગ કરીને લાખો લોકો કેવી રીતે રોજગાર મેળવી શકે છે. હજારો અબજ ડોલરની અર્થવ્યવસ્થા ઊભી કરી શકાય છે. બિહાર જેવા રાજ્યોના મુખ્યમંત્રીઓ કહી રહ્યા છે કે મોબાઈલનો ઉપયોગ કરવાથી દુનિયાનો અંત આવવાનો છે. આવી વસ્તુઓ બતાવે છે કે બિહારની આ દુર્દશા કેમ છે? નીતીશ કુમાર જેવા લોકો 1960માં જ જીવી રહ્યા છે. ધોતી, કુર્તા-પાયજામા પહેરીને નીકળી ગયા તો તેમને લાગે છે કે તેઓ નેતા છે.”
તેમણે કહ્યું કે, “આજે દેશમાં સેમીકન્ડક્ટર ફેક્ટરી સ્થાપવાના પ્રયાસો થઈ રહ્યા છે. પહેલા મહારાષ્ટ્રમાં ફેક્ટરી લગાવવાની વાત થઈ હતી, આજે ગુજરાતમાં તેને લગાવવાની વાત થઈ રહી છે. સેમિકન્ડક્ટરની ફેક્ટરી લગાવવાનો ખર્ચ $20 બિલિયન એટલે કે 1 લાખ 40 હજાર કરોડ છે.” તેમણે એમ પણ કહ્યું કે જ્યારે દેશમાં જ સેમિકન્ડક્ટર ફેક્ટરી સ્થપાઈ નથી, તો બિહારમાં તેને સ્થાપવાની વાત તો દૂરની વાત છે.
