તાઇવાનના રાષ્ટ્રપતિ ત્સાઇ ઇંગ-વેને મંગળવારે વરિષ્ઠ જર્મન ધારાશાસ્ત્રીઓ સાથેની બેઠક યોજી ડ્રેગનની ધમકીને ગંભીરતાથી લેતા તાઈવાને પશ્ચિમી દેશોને હસ્તક્ષેપ કરવાની અપીલ તાઇવાનની ફરજિયાત લશ્કરી સેવા આવતા વર્ષથી એક વર્ષ સુધી લંબાવવામાં આવશે
ચીનની ધમકી બાદ તાઈવાને પ્રાદેશિક વ્યવસ્થા જાળવવા માટે જર્મનીની મદદ માંગી છે. તાઇવાનના રાષ્ટ્રપતિ ત્સાઇ ઇંગ-વેને મંગળવારે વરિષ્ઠ જર્મન ધારાશાસ્ત્રીઓ સાથેની બેઠક દરમિયાન પ્રાદેશિક વ્યવસ્થા જાળવવામાં મદદ કરવા હાકલ કરી હતી. જણાવી દઈએ કે ચીન હંમેશા તાઈવાન પર દાવો કરે છે. ફાઇટર જેટ દ્વારા ધમકી આપવાનું ચાલુ રાખે છે. જોકે, ડ્રેગનની આ ધમકીને ગંભીરતાથી લેતા તાઈવાને પશ્ચિમી દેશોને હસ્તક્ષેપ કરવાની અપીલ કરી છે.
તાઈવાનના રાષ્ટ્રપતિએ ચીન પર નિશાન સાધ્યું
Advertisement
રાષ્ટ્રપતિ કાર્યાલય ખાતે ધારાસભ્યોની બેઠકમાં, રાષ્ટ્રપતિ ત્સાઈ ઇંગ-વેને કહ્યું કે લોકશાહીઓએ સરમુખત્યારશાહી વિસ્તરણવાદનો સામનો કરવા સાથે ઊભા રહેવું જોઈએ. તેમણે ગયા મહિને એક જાહેરાતનો ઉલ્લેખ કર્યો હતો કે તાઇવાનની ફરજિયાત લશ્કરી સેવા આવતા વર્ષથી એક વર્ષ સુધી લંબાવવામાં આવશે. તે આપણી સંરક્ષણ ક્ષમતાઓને મજબૂત કરશે અને આપણી માતૃભૂમિની રક્ષા કરવા અને લોકશાહીની રક્ષા કરવા માટેના આપણા સંકલ્પને પ્રદર્શિત કરશે.
પ્રમુખ ત્સાઈ ઈંગ-વેને કહ્યું કે અમે પ્રાદેશિક વ્યવસ્થા અને સમૃદ્ધિ જાળવવા માટે જર્મની અને અન્ય લોકતાંત્રિક ભાગીદારો સાથે કામ કરવા આતુર છીએ. જર્મનીની સંસદીય સંરક્ષણ સમિતિના વડા અને ચાન્સેલર ઓલાફ સ્કોલ્ઝના જુનિયર ગઠબંધન ભાગીદાર ફ્રી ડેમોક્રેટ્સ (FDP)ના સભ્ય મેરી-એગ્નેસ સ્ટ્રેક-ઝિમરમેને ત્સાઈને કહ્યું કે જર્મની અને તાઈવાન મિત્રો છે.
