IPL 2023માં, 21 વર્ષીય યશસ્વી જયસ્વાલ હવે મોટા દિગ્ગજોને પાછળ છોડીને ઓરેન્જ કેપ મેળવવાથી માત્ર એક ડગલું દૂર છે. યશસ્વી જયસ્વાલે IPL 2023ની 12 મેચોમાં 52.27ની એવરેજ અને 167.15ની સ્ટ્રાઈક રેટથી 575 રન બનાવ્યા છે. આ દરમિયાન તેને 75 ચોગ્ગા અને 26 છગ્ગા માર્યા છે.
કોલકાતા સામે 13 બોલમાં અડધી સદી ફટકારી હતી
ગુરુવાર, 11 મેના રોજ, યશસ્વી જયસ્વાલે તેની વિસ્ફોટક ઇનિંગ્સથી ઘણા દિગ્ગજોને પ્રભાવિત કર્યા. યશસ્વીની વિસ્ફોટક ઈનિંગ જોઈને વિરાટ પણ આશ્ચર્યચકિત થઈ ગયો હતો. KKR સામે 21 વર્ષીય યશસ્વીએ માત્ર 13 બોલમાં અડધી સદી ફટકારી હતી. આ IPLની સૌથી ઝડપી અડધી સદી હતી.
હાલમાં ઓરેન્જ કેપ રોયલ ચેલેન્જર્સ બેંગ્લોરના કેપ્ટન ફાફ ડુ પ્લેસિસ પાસે છે. ફાફ ડુ પ્લેસિસ 576 રન સાથે સૌથી વધુ રન બનાવનાર બેટ્સમેનોની યાદીમાં નંબર વન પર છે. બીજી તરફ, યશસ્વી તેનાથી માત્ર એક રન પાછળ છે અને તે યાદીમાં બીજા નંબરે છે. ત્રીજા નંબર પર રહેલા શુભમન ગિલ આ બંને બેટ્સમેનથી ઘણો પાછળ છે. તેના નામે અત્યાર સુધી 469 રન છે.
યશસ્વી જયસ્વાલ ઓરેન્જ કેપ જીતી શકે છે
ભલે RCBના કેપ્ટન ફાફ પાસે હજુ પણ ઓરેન્જ કેપ છે, પરંતુ તે યશસ્વી કરતા માત્ર એક રન આગળ છે. જોકે, જો બેંગ્લોરની ટીમ પ્લેઓફમાં ન પહોંચી શકે તો ફાફે માત્ર ત્રણ મેચ રમવાની છે. બીજી તરફ યશસ્વીનું રાજસ્થાન પ્લેઓફમાં પહોંચશે તેવું માનવામાં આવી રહ્યું છે. આવી સ્થિતિમાં તેને ફાફ કરતા વધુ મેચ રમવાની તક મળશે. આ કારણે યશસ્વી આ સિઝનમાં ઓરેન્જ કેપ જીતવા માટે પ્રબળ દાવેદાર છે.
યશસ્વી જયસ્વાલે આ સિઝનમાં સદી ફટકારી છે
આઈપીએલ 2023માં અત્યાર સુધી માત્ર ત્રણ બેટ્સમેનોએ સદી ફટકારી છે. આમાં યશસ્વી જયસ્વાલનું નામ પણ સામેલ છે. યશસ્વીએ મુંબઈ ઈન્ડિયન્સ વિરુદ્ધ 124 રનની ધમાકેદાર ઈનિંગ રમી હતી. આ સાથે જ યશસ્વીએ KKR સામે અણનમ 98 રન બનાવ્યા હતા. યશસ્વી ઉપરાંત વેંકટેશ અય્યર અને હેરી બ્રુકે આ સિઝનમાં સદી ફટકારી છે.
