Gold Price Today: સોના-ચાંદીના ભાવમાં સતત વધારો જોવા મળી રહ્યો છે. જો તમે પણ સોનાના દાગીના ખરીદવાનું વિચારી રહ્યા છો, તો તમારા માટે મહત્ત્વના સમાચાર છે. આ આખા અઠવાડિયે સોનાની કિંમત 54,000ને પાર કરી ગઈ છે. તે જ સમયે ચાંદી પણ 67,800 રૂપિયાને પાર બંધ થઈ ગઈ છે. ચાલો તમને જણાવીએ કે આ આખા અઠવાડિયામાં સોનાની કિંમતમાં કેટલો વધારો થયો છે.
કેટલુ મોંઘુ થયુ સોનું ?
ઈન્ડિયા બુલિયન એન્ડ જ્વેલર્સ એસોસિએશન એટલે કે IBJAની વેબસાઈટ મુજબ 19 ડિસેમ્બરે સોનાની કિંમત 54248 રૂપિયા પ્રતિ 10 ગ્રામના લેવલ હતી. તે જ સમયે, 23 ડિસેમ્બરે સોનાની કિંમત 54,366 રૂપિયા પ્રતિ 10 ગ્રામના લેવલ પર બંધ થઈ ગઈ છે. તે મુજબ સોનાના ભાવમાં 118 રૂપિયા પ્રતિ 10 ગ્રામનો વધારો થયો છે.
ચાંદી કેટલી મોંઘી થઈ ?
આ સિવાય જો ચાંદીના ભાવની વાત કરીએ તો 19 ડિસેમ્બરે ચાંદીની કિંમત 66,898 રૂપિયા પ્રતિ કિલોગ્રામના સ્તરે હતી અને 23 ડિસેમ્બર 2022ના રોજ ચાંદીની કિંમત 67,822 રૂપિયા પ્રતિ કિલોગ્રામ હતી. તે મુજબ ચાંદીના ભાવમાં 924 રૂપિયા પ્રતિ કિલોનો ઉછાળો જોવા મળ્યો છે.
63,000 રૂપિયા પ્રતિ 10 ગ્રામ થઈ જશે સોનાનો ભાવ
નિષ્ણાતોનું માનવું છે કે ચીનમાં ઝડપથી વધી રહેલા કોરોના અને ડોલર ઈન્ડેક્સમાં નરમાઈને કારણે સોનાની કિંમતો સતત વધી રહી છે અને વર્ષ 2023માં સોનાની કિંમત નવા રેકોર્ડ સ્તરે પહોંચી જશે. ઘણા નિષ્ણાતો માને છે કે ડિસેમ્બર 2023 સુધીમાં સોનાની કિંમત 61,000 થી 63,000 રૂપિયા પ્રતિ 10 ગ્રામના સ્તરને સ્પર્શી શકે છે.
અમદાવાદમાં આજે સોનાના ભાવમાં વધારો થયો છે. અમદાવાદમાં સોનાના ભાવમાં 160 રૂપિયા પ્રતિ ગ્રામનો વધારો થયો છે. તેની સાથે જ 10 ગ્રામ સોનાનો ભાવ હવે 53,540 રૂપિયાએ પહોંચ્યો છે. જ્યારે 22 કેરેટ સોનાનો ભાવ 50990એ પહોંચ્યો છે.
