આજકાલ બજારમાં આવી અનેક પ્રોડક્ટ્સ આવી ગઈ છે, જેને બાળકો ખૂબ જ ઉત્સાહથી ખાય છે. બાળકોને સરળતાથી દૂધ પીવડાવવા માટે માતા-પિતા તેમના દૂધમાં હેલ્થ ડ્રિંક અથવા પાવડર ઉમેરીને તેને સ્વાદિષ્ટ બનાવે છે. જે તેમના સ્વાસ્થ્ય માટે હાનિકારક હોઈ શકે છે.
સુગર (Sugar)
આ દિવસોમાં બાળકો માટે ઘણા પ્રકારના એનર્જી ડ્રિંક બજારમાં આવી ગયા છે. જે પીધા બાદ બાળકો એક્ટિવ હોવાનો દાવો કરવામાં આવે છે. આ પીધા પછી બાળકો પણ એક્ટિવ થઈ જાય છે, પરંતુ તેમને બીમારીઓ પણ થઈ શકે છે. આ હેલ્થ ડ્રિંક્સમાં સુગર સારી માત્રામાં જોવા મળે છે. તેનાથી સ્થૂળતા, દાંતમાં સડો, ઊંઘ ન આવવા જેવી સમસ્યાઓ થઈ શકે છે. એનર્જી ડ્રિંક્સમાં સુગર ટેસ્ટમાં વધારો કરે છે, પરંતુ ઘણા અભ્યાસો દર્શાવે છે કે તે બાળકોની શીખવાની, સમજવાની અને યાદ રાખવાની ક્ષમતા પર પણ ખરાબ અસર કરી શકે છે.
સોડિયમ (sodium)
બજારમાં ઉપલબ્ધ ઘણા હેલ્થ ડ્રિંક્સ અને હેલ્ધી ફૂડ્સમાં સોડિયમ ભરપૂર માત્રામાં જોવા મળે છે. ખાસ કરીને પેકેજ્ડ ફૂડમાં સોડિયમની માત્રા ખૂબ વધારે હોય છે. તેનું સેવન કરવાથી બાળકોમાં સ્થૂળતા, તણાવ અને હાઈ બીપી જેવી સમસ્યાઓ થઈ શકે છે. હેલ્થ એક્સપર્ટના મતે 8 થી 17 વર્ષની ઉંમરના બાળકોમાં હાઈ સોડિયમના કારણે હાઈ બીપીનું જોખમ રહેલું છે, તેમને હ્રદય રોગ પણ થઈ શકે છે.
કેફીન (caffeine)
કેફીન બાળકોના સ્વાસ્થ્ય માટે પણ ખૂબ જ હાનિકારક છે. એનર્જી કે હેલ્થ ડ્રિંક્સમાં કેફીન પુષ્કળ પ્રમાણમાં જોવા મળે છે. આ હાઈ બ્લડ પ્રેશર અને અનિંદ્રાનું કારણ બની શકે છે. આના કારણે મૂડ સ્વિંગ અને સ્ટ્રેસ જેવી સમસ્યાઓનો પણ ખતરો રહે છે. કેફીનયુક્ત પીણાં બાળકોમાં માથાનો દુખાવો પણ કરી શકે છે.
હાઈ ફ્રક્ટોઝ કોર્ન સિરપ (High fructose corn syrup)
ઘણા હેલ્થ ડ્રિંક્સમાં હાઈ ફ્રક્ટોઝ કોર્ન સિરપ હોય છે. જેના સેવનથી સ્વાસ્થ્ય સંબંધિત સમસ્યાઓ શરૂ થાય છે. કાર્બોહાઇડ્રેટ ખોરાક જેમ કે ભાત ખાવાથી શરીરને ગ્લુકોઝ મળે છે, જે સેલ્સની મદદથી આખા શરીરમાં સરળતાથી ફેલાય છે. જો કે, જ્યારે બાળકો દ્વારા હાઈ ફ્રક્ટોઝ કોર્ન સિરપનો ઉપયોગ કરવામાં આવે છે, ત્યારે તે ફ્યૂલ બનીને એનર્જી બનતા પહેલા જ ફેટ બની જાય છે અને લીવરમાં જમા થવા લાગે છે.
