લદ્દાખમાં જનસભાને સંબોધતા રાહુલ ગાંધીએ કહ્યું કે ભારતમાં મુસ્લિમો પર હુમલા થઈ રહ્યા છે. તેમના પર હુમલા થઈ રહ્યા છે. તેમણે મણિપુરનો પણ ઉલ્લેખ કર્યો અને કહ્યું કે મણિપુર છેલ્લા 4 મહિનાથી સળગી રહ્યું છે. આ સાથે તેમણે 2024ની લોકસભા ચૂંટણીમાં ભાજપ સરકારને હરાવવાનો દાવો પણ કર્યો.
લઘુમતીઓ, દલિતો પર થઈ રહ્યા છે હુમલા
રાહુલ ગાંધીએ પોતાના ભાષણમાં કહ્યું – ‘ભારતમાં મુસ્લિમો પર હુમલા થઈ રહ્યા છે. આ ખોટું નથી. સાથે જ અન્ય લોકો પર પણ હુમલા થઈ રહ્યા છે તે પણ હકીકત છે. આજે મણિપુરમાં શું થઈ રહ્યું છે. મણિપુર છેલ્લા ચાર મહિનાથી સળગી રહ્યું છે. આવું મુસ્લિમોની સાથે સાથે અન્ય લઘુમતી, દલિતો અને આદિવાસીઓ સાથે પણ થઈ રહ્યું છે.’
ચારેય રાજ્યોની ચૂંટણી જીતશે કોંગ્રેસ
તેમણે કહ્યું કે હાલમાં જ ચાર રાજ્યોમાં વિધાનસભાની ચૂંટણીઓ યોજાવા જઈ રહી છે. કોંગ્રેસ પાર્ટી આ ચારેય ચૂંટણી જીતશે. રાહુલે વધુમાં કહ્યું કે તમારે એવું ન વિચારવું જોઈએ કે કોંગ્રેસ પાર્ટી ભાજપને હરાવી શકશે નહીં. જો ભાજપે સંસ્થાઓનો દુરુપયોગ કરીને કબજો ન કર્યો હોત તો છેલ્લી ચૂંટણી પણ જીતી ન હોત.
અમે 2024માં ભાજપને હરાવીશું
કોંગ્રેસ મહાસચિવે કહ્યું- હું તમને ખાતરી આપીને કહું છું કે 2024માં અમે ભાજપને હરાવી દઈશું. ભાજપે આખી સિસ્ટમને કબજે કરી રાખી છે અને લોકોને ડરાવી રાખ્યા છે. તેમ છતાં હું દાવા સાથે કહું છું કે વિપક્ષી ગઠબંધન ભાજપને હરાવી દેશે.
