G-20 લીડર્સ સમિટ 9-10 સપ્ટેમ્બરના રોજ નવી દિલ્હીમાં યોજાશે, હાલ જ્યારે સમગ્ર વિશ્વ અનેક પડકારો સામે ઝઝુમી રહ્યું છે ત્યારે આ સમયમાં 20ની ભારતની અધ્યક્ષતા તરફ સૌની નજર રહેશે

વિશ્વ જ્યારે આર્થિક અનિશ્ચિતતાઓ અને ભૌગોલિક-રાજકીય તણાવમાંથી પસાર થઇ રહ્યું છે ત્યારે આંતરરાષ્ટ્રીય સમુદાય ભારતના G-20 નેતૃત્વ પર મીટ માંડી રહ્યો છે. G-20ની અધ્યક્ષતા કરનાર ભારત એક એવો દેશ છે જેણે વૈશ્વિક સરેરાશ કરતાં સારી ટકાવારીએ શ્રેષ્ઠ પરફોર્મ કર્યુ છે તેવુ ઇન્ટરનેશનલ ક્રિસ્ટાલિના જ્યોર્જિવાએ કહ્યું હતું. ભારતે 1 ડિસેમ્બરના રોજ ઔપચારિક રીતે જી-20નું પ્રમુખપદ ગ્રહણ કર્યું હતું. આગામી G-20 લીડર્સ સમિટ 9 અને 10 સપ્ટેમ્બર, 2023ના રોજ નવી દિલ્હીમાં યોજાશે. અત્યારે જ્યારે સમગ્ર વિશ્વ અનેક પડકારો સામે ઝઝુમી રહ્યું છે ત્યારે આ સમયમાં 20ની ભારતની અધ્યક્ષતા તરફ સૌની નજર રહેશે. વિશ્વને એકજૂટ કરવામાં ભારતનું યોગદાન મહત્વપૂર્ણ રહેશે. આધુનિકીકરણ અપનાવવા માટે પણ જ્યોર્જીવાએ ભારતની સરાહના કરી હતી. IMFના એમડીએ જણાવ્યું હતું કે કોવિડ-19 દરમિયાન કઇ રીતે ભારતે આધુનિકીકરણ અપનાવ્યું તે મહત્વપૂર્ણ છે.

ખાસ કરીને પબ્લિક પોલિસી તેમજ પ્રાઇવેટ સેક્ટર ગ્રોથમાં ભારતની નોંધપાત્ર ભૂમિકા રહી છે. પબ્લિક પોલિસીમાં ડિજીટલ ઓળખ અને ડિજીટલ પબ્લિક ઇન્ફ્રાસ્ટ્રક્ચરને કારણે ડિજીટલ પ્લેટફોર્મ પર પોલિસી સપોર્ટ શક્ય બન્યો છે અને આધુનિકીકરણને કારણે સમગ્ર દેશમાં વેક્સિનેશન અભિયાન પણ અસરકારક રીતે પાર પડ્યું હતું. ભારતે કેટલાક એવા સુધારાત્મક પગલાં લીધા છે જે હવે ફળ આપી રહ્યાં છે. દેશમાં હવામાનની દૃષ્ટિએ કેટલાક પડકારો જોવા મળ્યા હતા જેની કૃષિ વધ્યું ક્ષેત્ર પર નાટ્યાત્મક અસર જોવા મળી હતી. ખાસ કરીને ક્લાઇમેટ ચેન્જ અને ઉચ્ચ તાપમાન જોવા મળ્યું હતું. એશિયામાં થયેલા બદલાવની ભારત પર ચોક્કસપણે અસર જોવા મળી છે. શ્રીલંકા અને પાકિસ્તાન જેવા દેશો વધુ વોલેટાઇલ રહ્યાં છે. તદુપરાંત ચીનમાં પણ ફરીથી સ્લોડાઉન જોવા મળી રહ્યું છે જેને કારણે સમગ્ર એશિયા પર તેની પ્રતિકૂળ અસર જોવા મળી છે.