આધાર કાર્ડ (Aadhar Card) એક મહત્વપૂર્ણ દસ્તાવેજ છે. આ આપણી ઓળખનો નક્કર પુરાવો બની ગયો છે. આ ઉપરાંત તેને તમારા રેશન કાર્ડ, પાન કાર્ડ અને કેટલાક અન્ય દસ્તાવેજો અને એકાઉન્ટ સાથે લિંક કરવું પણ ફરજિયાત બની ગયું છે. એકંદરે, આપણે કહી શકીએ કે હવે તેના વિના કામ કરવું લગભગ અશક્ય બની ગયું છે. આવી સ્થિતિમાં જો કોઈનું આધાર કાર્ડ ખોવાઈ જાય તો તેના માટે ચિંતા થવી સ્વાભાવિક છે. જો તે ખોવાઈ જાય છે તો તમારે મુશ્કેલીનો સામનો કરવો પડી શકે છે.
આધાર યુઝર્સની આ સમસ્યાને દૂર કરવા માટે UIDAI જો આધાર ખોવાઈ જાય અથવા ક્ષતિગ્રસ્ત થઈ જાય તો તેને સરળતાથી ફરીથી બનાવવાની સુવિધા પૂરી પાડે છે. સારી વાત એ છે કે આ સેવા ઓનલાઈન ઉપલબ્ધ છે. તેથી જો તમારું આધાર કાર્ડ ખોવાઈ ગયું હોય અથવા ક્ષતિગ્રસ્ત થઈ જાય તો તમે ઘરે બેઠા પીવીસી આધાર કાર્ડ મંગાવી શકો છો. પીવીસી એટલે કે પોલીવિનાઇલ ક્લોરાઇડ કાર્ડ પ્લાસ્ટિક કાર્ડનો એક પ્રકાર છે, જેના પર આધાર કાર્ડની માહિતી પ્રિન્ટ કરવામાં આવે છે.
લાગશે 50 રૂપિયા
નવું PVC કાર્ડ બનાવવા માટે તમારે 50 રૂપિયાની ફી ચૂકવવી પડશે. PVC આધાર કાર્ડમાં સિક્યોર QR કોડ, હોલોગ્રામ, માઇક્રો ટેક્સ્ટ, ઇશ્યૂની તારીખ અને કાર્ડની પ્રિન્ટિંગ અને અન્ય માહિતી હોય છે.
આવી રીતે કરો કરો ઓનલાઈન અરજી
- UIDAI ની સત્તાવાર વેબસાઇટ https://uidai.gov.in પર જાવો
- ‘My Aadhaar’ સેક્શનમાં જઈ ‘Order Aadhaar PVC Card’ પર ક્લિક કરો
- તમારા આધારના 12 ડિજિટના નંબર અથવા 16 ડિજિટની વર્ચ્યુઅલ આઈડી અથવા 28 ડિજિટની આધાર એનરોલમેન્ડ આઈડી (EID) નાખો
- તેના પછી સિક્યોરિટી કોડ અથવા કેપ્ચા કોડ નાખો
- ઓટીપી માટે Send OTP પર ક્લિક કરો
- રજિસ્ટર્ડ મોબાઈલ પર આવેલા OTP ને નિશ્ચિત જગ્યા પર ભરો અને સબ્મિટ પર ક્લિક કરો
- સબમિશન પછી તમારી સામે આધાર PVC કાર્ડનું એક પ્રી-વ્યૂ આવશે
- તેના પછી નીચે આપેલા પેમેન્ટ ઓપ્શન પર ક્લિક કરો
- તેના પછી પેમેન્ટ પેજ તમને મોકલવામાં આવશે. અહીં 50 રૂપિયા ફી જમા કરવાની રહેશે
- પેમેન્ટ પૂર્ણ કર્યા પછી તમારું આધાર PVC કાર્ડ ઓર્ડર થઈ જશે
- સ્પીડ પોસ્ટ દ્વારા યુઆઈડીઆઈ તમારું આધાર તમારા ઘર સુધી પહોંચાડી દેશે
ઓફલાઈન પણ બનાવી શકાય છે
જો તમે તેને ઓનલાઈન કરાવવા માગતા નથી, તો તમે તેને ઓફલાઈન પણ કરાવી શકો છો. તેના માટે તમારે આધાર સેન્ટર પર જવું પડશે. ત્યાં જઈને તમે તમારું નવું આધાર કાર્ડ સરળતાથી બનાવી શકો છો.
