જામનગરમાં રવિન્દ્ર જાડેજા પત્ની રિવાબાને જિતાડવા માટે ઉતર્યા મેદાનમાં
Gujarat Elections 2022 : જામનગર ખાતે રીવાબાના સમર્થનમાં રવિન્દ્ર જાડેજાનો ભવ્ય રોડ શો યોજાયો. જામનગરની બજારમાં ખુલ્લી જીપમાં ફર્યા રવિન્દ્ર જાડેજા. રિવાબા જાડેજા ભારતીય જનતા પાર્ટીના 78 જામનગરના ઉમેદવાર છે.
જામનગર બેઠક પર ભારતના પ્રખ્યાત ક્રિકેટર રવિન્દ્ર જાડેજાના પત્ની રીવાબા જાડેજા ચૂંટણી મેદાનમાં છે. રવિન્દ્ર જાડેજા પત્નીના ઉમેદવારી ભરતા સમયે પણ હાજર રહ્યા હતા. ત્યારે આજે તેઓ જામનગરમાં પત્ની સાથે પ્રચાર કરતા જોવા મળ્યા હતા. રીવાબાના સમર્થનમાં રવિન્દ્ર જાડેજાનો જામનગરમાં ભવ્ય રોડ શો યોજાયો હતો. જેમાં રવિન્દ્ર જાડેજા જામનગરની બજારમાં ખુલ્લી જીપમાં ફર્યા હતા. એક દિગ્ગજ ક્રિકેટરે પત્ની માટે વોટની અપીલ કરી હતી. રવિન્દ્ર જાડેજાને ઠેર ઠેર પ્રચંડ આવકાર મળ્યો હતો. રોડ શો દરમિયાન જાડેજા પર ફૂલોની વર્ષા થઈ હતી.
ભારતીય ક્રિકેટ ટીમના ઓલરાઉન્ડર રવિન્દ્ર જાડેજાના તેમાં પત્ની અને જામનગર શહેરમાં 78 જામનગર ઉત્તર વિધાનસભા બેઠક પર ભાજપના ઉમેદવાર તરીકે રિવાબા જાડેજા ચૂંટણી લડી રહ્યા છે, ત્યારે આજે ખુદ ભારતીય ક્રિકેટર રવિન્દ્ર જાડેજા ભાજપના ઉમેદવાર રિવાબા જાડેજાના પ્રચારમાં મેદાને ઉતર્યા હતા. જામનગર શહેરના 78 જામનગર ઉત્તર વિધાનસભા વિસ્તારના અલગ અલગ વોર્ડમાં અલગ અલગ વિસ્તારોમાં ક્રિકેટ રવિન્દ્ર જાડેજા દ્વારા ભવ્ય રોડ યોજવામાં આવ્યો હતો. જામનગરની જનતા અને ક્રિકેટ રસિકો દ્વારા ઠેર ઠેર રવિન્દ્ર જાડેજાનું ફૂલોથી સ્વાગત કરવામાં આવ્યું હતું.
આ રોડ શો દરમ્યાન રવિન્દ્ર જાડેજાની એક ઝલક જોવા જામનગરના રસ્તા પર મોટી સંખ્યામાં લોકો એકઠા થયા હતા. જાડેજાએ તમામ ચાહકોનું અભિવાદન ઝીલ્યું હતું. સાથે જ પત્ની માટે વોટની અપીલ પણ કરી હતી.
