નીતીશ સરકારમાં કૃષિ મંત્રી રહેલા સુધાકર સિંહના રાજીનામા બાદ જગદાનંદ સિંહ નારાજ હોવાનું કહેવાય છે. નીતિ વિષયક મુદ્દાઓ પર મુખ્યમંત્રી સાથે મતભેદો બાદ સુધાકર સિંહે તેમના પદ પરથી રાજીનામું આપ્યું હતું. પુત્રના રાજીનામા બાદ જગદાનંદ સિંહે પટનામાં આરજેડી ઓફિસ જવાનું બંધ કરી દીધું હતું
નીતીશ સરકારમાં કૃષિ મંત્રી રહેલા સુધાકર સિંહના રાજીનામા બાદ જગદાનંદ સિંહ નારાજ હોવાનું કહેવાય છે. નીતિ વિષયક મુદ્દાઓ પર મુખ્યમંત્રી સાથે મતભેદો બાદ સુધાકર સિંહે તેમના પદ પરથી રાજીનામું આપ્યું હતું. પુત્રના રાજીનામા બાદ જગદાનંદ સિંહે પટનામાં આરજેડી ઓફિસ જવાનું બંધ કરી દીધું હતું. જે બાદ એવી ચર્ચા હતી કે લાલુ યાદવ તેમના સ્થાને પાર્ટીના વરિષ્ઠ નેતા અબ્દુલ બારી સિદ્દીકીને પ્રદેશ અધ્યક્ષ બનાવી શકે છે.
જો કે બુધવારે દિલ્હીમાં લાલુ સાથે જગદાનંદ સિંહ અને અબ્દુલ બારી સિદ્દીકીની મુલાકાત બાદ લાગે છે કે તમામ મતભેદો દૂર થઈ ગયા છે. જાણવા મળ્યું છે કે કિડની ટ્રાન્સપ્લાન્ટ માટે સિંગાપોર જતા પહેલા લાલુ યાદવ પાર્ટીમાં સામાન્ય સ્થિતિ બનાવવા માંગતા હતા. જગદાનંદ સિંહ છેલ્લા કેટલાક મહિનાઓથી નીતીશ કુમારની કાર્યશૈલી વિશે અવાજ ઉઠાવી રહ્યા છે અને બીજી તરફ, લાલુ યાદલને એ પણ આશંકા હતી કે તેમની પાર્ટીને આગામી લોકસભા ચૂંટણીમાં નીતીશ કુમારની સત્તા વિરોધી લહેરનો સામનો કરવો પડી શકે છે કારણ કે તેઓ જેડીયુ સાથે ગઠબંધનમાં છે.
ટ્રમ્પ કાર્ડ સાબિત થઈ શકે છે જગદાનંદ
આ જ કારણ છે કે લાલુએ જગદાનંદ સિંહને પ્રદેશ અધ્યક્ષ બનાવી રાખવાનો નિર્ણય લીધો છે કારણ કે તેઓ નીતીશ કુમારની કાર્યપદ્ધતિના વિરોધી હતા અને જો નીતીશ કુમાર ફરીથી યુ-ટર્ન લે છે તો તે મહત્ત્વપૂર્ણ સાબિત થઈ શકે છે. છેલ્લા ઘણા વર્ષોમાં નીતીશ કુમારની રાજકીય ઉથલપાથલને ધ્યાનમાં રાખીને, લાલુ પ્રસાદ જાણે છે કે જગદાનંદ સિંહ જેવા નેતાઓ ટ્રમ્પ કાર્ડ સાબિત થઈ શકે છે, જેઓ સત્તામાં હોવા છતાં, નીતીશ કુમાર પર પ્રહાર કરવાનું અને તેમની નીતિઓ પર સવાલ ઉઠાવવાનું ચાલુ રાખે છે.
