અમદાવાદ જિલ્લામાં ૭ તારીખથી તમામ ગામોમાં પ્રધાનમંત્રી કિસાન સમ્માન નિધિ યોજના અંતર્ગત “e-KYC” કેમ્પનું આયોજન

 જેને ધ્યાને લઇ, આગામી ડિસેમ્બર – ૨૦૨૨ માસ માટે રીલીઝ થનાર ૧૩મા હપ્તાના સહાયની રકમ તમામ લાભાર્થીઓના બેંક ખાતામાં જમા થાય તે હેતુસર અમદાવાદ જિલ્લામાં તારીખ ૦૭/૧૨/૨૦૨૨થી તારીખ ૨૭/૧૨/૨૦૨૨ સુધી ગ્રામ્ય કક્ષાએ ‘’e-KYC’’ કેમ્પનું આયોજન કરવામાં આવેલ છે. જેમાં, જે તે ગામના ગ્રામસેવકશ્રી, કોમન સર્વિસ સેન્ટર (સી.એસ.સી) ના પ્રતિનિધિ, ઇન્ડીયન પોસ્ટ પેમેન્ટ બેંકના પ્રતિનિધિ, તલાટી, સરપંચ હાજરીમાં ગ્રામપંચાયત ખાતે કેમ્પનું આયોજન કરવામાં આવેલ છે. જેમાં ‘’e-KYC’’ પેન્ડીંગ હોય તેવા લાભાર્થી ખેડૂતોએ જાતે પોતાનું આધાર કાર્ડ, મોબાઇલ, બેંકની વિગતો સહ કેમ્પમાં ઉપસ્થિત રહેવાનું રહેશે. જેમાં, નિયત ફી લઇ કોમન સર્વિસ સેન્ટર (સી.એસ.સી) ના પ્રતિનિધિ/ ઇન્ડીયન પોસ્ટ પેમેન્ટ બેંક ના પ્રતિનિધિ દ્વારા પી.એમ કિસાન યોજના અંતર્ગત “e-KYC”ની કામગીરી કરવામાં આવશે‘’e-KYC’’ પેન્ડીંગ હોય તેવા લાભાર્થી ખેડૂતોની યાદી કેમ્પના અગાઉના દિવસે ગ્રામપંચાયત ખાતે પ્રસિદ્ધ કરવામાં આવશે. તથા કેમ્પની તારીખોની જાણકારી જે તે ગામના ગ્રામસેવક / તલાટી દ્વારા આપવામાં આવશે.

આમ ઇકેવાયસી કરાવવા માટે તમામ ખેડૂતોએ નિયત તારીખે કેમ્પનો લાભ લેવા માટે જિલ્લા તંત્ર દ્વારા વિનંતી સહ અનુરોધ કરવામાં આવે છે.

 વધુમાં જણાવવાનું કે, જે લાભાર્થી ખેડૂતોના આધાર કાર્ડ, પોતાના મોબાઇલ નંબર સાથે લીંક થઇ ગયેલ હોય તો, તેવા ખેડુતો પોતાના જાતે ઘર બેઠે અથવા ઇન્ટરનેટ જાણકાર વ્યકિત દ્વારા https://pmkisan.gov.in/ વેબસાઇટ પર જઇ “e-KYC” ઓપ્શન પર જઇ અપડેટ કરી શકે છે. ‘’e-KYC’’ ઓપ્શન પર કલીક કરવાથી આધાર નંબર માગશે જેમાં તમારો આધારકાર્ડ નંબર નાખવાથી, લીંક કરેલ મોબાઇલ નંબર માગશે અને જે નાખવાથી લીંક કરેલ મોબાઇલ પર OTP આવશે તે નાખ્યા બાદ ફરીથી આધાર OTP આવશે તે નાખ્યા બાદ E-KYC SUCCESSFULLY UPDATED એવુ લખેલુ આવે, એટલે E-KYC અપડેટ થઇ જશે, અને તે pmkisan.gov.in/BeneficiaryStatus.aspx જોઇ શકાય છે. આ સિવાય “e-KYC” માટે નજીકના કોમન સર્વિસ સેન્ટર (CSC), મામલતદાર કચેરી, પોસ્ટ ઓફિસની મુલાકાત લઇ ઇકેવાયસી કરી શકાય છે.