જી20 સમિટના પગલે વડોદરા ઝોનની આણંદ, ખેડા સહીતની 26 નગરપાલિકાઓમાં મરેથોન, નેતાઓ દોડશે

જી20 સમિટના પગલે વડોદરા ઝોનની આણંદ, ખેડા સહીતની 26 નગરપાલિકાઓમાં મરેથોન સિટી વોકનું આયોજન કરાયું છે જેમાં સ્થાનિક નેતાઓ મંત્રીઓ ધારાસભ્યો સામેલ થશે.  ભારત જી-20 સમિટ-2023નું યજમાન બન્યું ચે. ત્યારે ગુજરાતમાં જી 20 સમિટ-2023 ને લઈને મોટા આયોજનો થઈ રહ્યા છે. ત્યારે ગુજરાતભરમાં આ આયોજનોમાં વડોદરા તેમજ તેના ઝોનની નગરપાલિકાઓમાં મેરેથોનનું આયોજન કકવામાં આવ્યું છે.  આણંદ, ખેડા સહીતની 26 નગરપાલિકાઓમાં મરેથોન જેમાં NCC, NSS જેવા કેડેટ સામેલ થશે. ગુજરાતમાં G-20 સમિટની 16 મહત્વની ઈવેન્ટ્સનું આયોજન કરવામાં આવી રહ્યું છે. જે અંતર્ગત વડોદરામાં પણ આ આયોજન મહત્વનું રહેશે.

ભારત G-20 સમિટ-2023નો યજમાન દેશ બન્યો છે, ત્યારે તેની માહિતી લોકો સુધી પહોંચવી જોઈએ અને આ વિવિધ દેશો અને રાજ્યોમાં આ માટે આયોજનો થઈ રહ્યા છે.

21 ફેબ્રુઆરીએ 26 નગરપાલિકાઓમાં મેરેથોન
મ્યુનિસિપાલિટી વડોદરા ઝોન હેઠળ વડોદરા ઝોનની 26 નગરપાલિકાઓમાં જી-20 સિટીવોક મેરેથોનનું આયોજન મ કરવામાં આવશે. જી20 સમિટના પગલે 21 ફેબ્રુઆરીના રોજ સવારે 8.30 કલાકે મેરેથોન થશે જે 4 કિમીની રહેશે. મહાનગરપાલિકા વિસ્તારમાં ચાર કિમીના રૂટ પર આ મેરેથોન યોજાશે. આ G-20 સિટીવોક મંત્રીઓ, સાંસદો, ધારાસભ્યો, પ્રમુખ અને અન્ય ચૂંટાયેલા અધિકારીઓ અને પાલિકાના નાગરિકો ભાગ લેશે.

આ કાર્યક્રમ વડોદરા ઝોનના કુલ 26 નગરપાલિકાના 6 જિલ્લા, વડોદરા, આણંદ, છોટાઉદેપુર, દાહોદ, મહિસાગર અને પંચમહાલમાં યોજાશે. જે અંતર્ગત આ કાર્યક્રમોમાં નગરપાલિકાઓ અને સમગ્ર રાજ્યના લોકોને સામેલ કરવા અને વધુમાં વધુ જનભાગીદારી મળે તે હેતુથી જી-20 સમિટ અંતર્ગત અન્ય નગરપાલિકાઓ પણ જોડાશે.