વડાપ્રધાન નરેન્દ્ર મોદી ઇઝરાયેલ સાથેની મિત્રતા સતત ગાઢ બનાવી રહ્યા છે. ઇઝરાયેલના વડાપ્રધાન બેન્જામિન નેતન્યાહુ પીએમ મોદીના નજીકના મિત્રોમાંથી એક છે. વર્ષ 2014માં વડાપ્રધાન બન્યા બાદથી ભારત અને ઇઝરાયેલ વચ્ચેની આ મિત્રતા વધુ ગાઢ બની રહી છે. ઇઝરાયેલ સાથે ભારતના ગાઢ સંબંધો જોઈને પાડોશી દેશો પાકિસ્તાન અને ચીન પરેશાન થઈ ગયા છે. પરંતુ પીએમ મોદી અને નેતન્યાહુ વચ્ચેની મિત્રતામાં ભાગલા પાડવામાં તેઓ કોઈપણ રીતે સફળ થઈ શકતા નથી. તેથી જ ચીન-પાકિસ્તાનની આ મિત્રતાની ઈર્ષ્યા થઈ રહી છે.
વડાપ્રધાન નરેન્દ્ર મોદીએ બુધવારે ઇઝરાયેલના વિદેશ મંત્રી એલી કોહેન સાથે વાતચીત કરી હતી. આ દરમિયાન, તેઓએ કૃષિ, પાણી, નવીનતા અને લોકો વચ્ચેના સંબંધોના અગ્રતા ક્ષેત્રોમાં દ્વિપક્ષીય સહકારને વધુ ગાઢ બનાવવાની રીતો પર ચર્ચા કરી. ઇઝરાયેલના વિદેશ મંત્રી આજે સવારે ત્રણ દિવસની મુલાકાતે અહીં પહોંચ્યા હતા પરંતુ ગાઝા પટ્ટીમાં ઉગ્રવાદી જૂથના લક્ષ્યો પર ઇઝરાયેલના લશ્કરી ક્રેકડાઉનને પગલે તેમણે આ પ્રવાસ ટૂંકાવવાનો નિર્ણય જાહેર કર્યો હતો. તેઓ મંગળવારે વડાપ્રધાનને મળ્યા હતા.
બંને દેશો સંરક્ષણ અને વ્યૂહાત્મક સહયોગમાં પણ ભાગીદાર
પીએમ મોદીએ ટ્વીટ કર્યું, “ઇઝરાયેલના વિદેશ મંત્રી એલી કોહેનને મળીને આનંદ થયો. અમે કૃષિ, પાણી, નવીનતા અને લોકો વચ્ચેના સંબંધોના અગ્રતા ક્ષેત્રોમાં દ્વિપક્ષીય સહયોગને વધુ ગાઢ બનાવવાની રીતો પર ચર્ચા કરી.” ઇઝરાયેલે તેના ઘણા અત્યાધુનિક શસ્ત્રો ભારતને આપ્યા છે. તેના કારણે ચીન અને પાકિસ્તાન ચિંતિત છે. મુસ્લિમ દેશ હોવા છતાં પાકિસ્તાન ઇઝરાયેલ સાથે ભારત જેવા સંબંધો બાંધી શક્યું નથી. આનાથી પાકિસ્તાન પણ ચિંતિત છે. ચીનની પણ એવી જ હાલત છે.
