ન્યુઝીલેન્ડના વડાપ્રધાન મોદીને મળવા ઓસ્ટ્રલીયા આવે તે આપણા દેશનું ગૌરવ છે. એલન મસ્ક કહે છે કે હું મોદીનો ફેન છું. વડાપ્રધાનનરેન્દ્રભાઇ મોદી દુનિયાના પહેલા વડાપ્રધાન છે કે, જેમણે દુનિયાના મોટા ભાગના દેશોએ સન્માન આપ્યું છે. કેટલાક નેતા મોહબ્બત કી દુકાન નહી નફરતનો મેગા મોલ ચાલવી રહ્યા છે. ઉપરોક્ત વાત જેપી નડ્ડાએ ગુજરાતમાં સભાને સંબોધતા કહી હતી.
આજે પંચમહાલ ગોધરા ખાતે બીજેપીના રાષ્ટ્રીય અધ્યક્ષ જે.પી.નડ્ડાની અધ્યક્ષતામાં કેન્દ્ર સરકારના 9 વર્ષ પુર્ણ થતા સરકારે કરેલા વિવિધ કાર્યોની માહિતી આપતી જનસભા યોજાઇ હતી. આ જાહેરસભાને સંબોધતા રાષ્ટ્રીય અધ્યક્ષ જે.પી.નડ્ડાએ જણાવ્યું કે, ગુજરાત વિરો- સહાદતો, સાધુ-સંતોની ધરતી છે. દેશમાં વડાપ્રધાન નરેન્દ્રભાઇ મોદીની કેન્દ્ર સરકારે 9 વર્ષ સેવા,સુશાસન,ગરિબ કલ્યાણ થકી કામ કર્યુ છે. દેશમાં 9 વર્ષ પહેલા ઘણી સરકાર આવી અને ગરિબ દુર કરવાના બહાને લાંબા સમયથી સુધી કોંગ્રેસે રાજકીય રોટલા શેકયા અને ગરિબોને લુટયા. વડાપ્રધાન નરેન્દ્રભાઇ મોદી 9 વર્ષ દરમિયાન સૌનો સાથ, સૌનો વિકાસ,સૌનો પ્રાયસ, સૌનો વિશ્વાસના મંત્ર પરિપુર્ણ કરી દેશના દરેક વર્ગના લોકોના હિતમાં કામ કર્યુ છે.
નડ્ડાએ નવ વર્ષ સુધીના કાર્યકાળ અંગે વધુ જણાવતા કહ્યુ કે, દેશમાં હાલમાંજ કોરોના જેવી મહામારી આવી જેણે સમગ્રે દુનિયાને હચમચાવી ત્યાર પછી રશિયા અને યુક્રેનના યુદ્ધને કારણે ઘણા દેશમાં આર્થિક સંકટમાં આવી ગયા પરંતુ ભારત દેશની આર્થિક સ્થિતિ સુઘારી અને દુનિયાના આર્થશાસ્ત્રીઓ કહે છે કે હાલના સમયમાં જો કોઇ દેશ પર આશા રાખી શકાય તો તે ભારત છે. આંતરરાષ્ટ્રીય મોનીટરીંગ ફંડ પણ કહે છે કે ભારતની આર્થિક સ્થિતિ મજબૂત છે.
9 વર્ષ પહેલા ભારત અર્થવ્યવસ્થામાં 11માં નંબર પર હતું અને આજે બ્રિટનને પછાડી ભારત પાંચમાં નંબરની અર્થવ્યવસ્થા બની છે. બ્રિટનના પ્રધાનમંત્રી રૂષી સુનક કહે છે કે તે સમય દુર નથી કે ભારત દુનિયાની ત્રીજા નંબરની અર્થવ્યવસ્થા બનશે. આજે ભારતમાં ઇલેક્ટ્રીક સામાન બની અન્ય દેશોમાં જઇ રહ્યા છે એક વર્ષમાં 17 હજાર કરોડ રૂપિયાનો સામાન એક્સપોર્ટ થાય છે. 9 વર્ષ પહેલા મોબાઇ વિદેશથી આવતા હતા પરંતુ મોદી સરકારમાં 97 ટકા મોબાઇલ ના પાર્ટ ભારતમાં બનાવે છે. સ્ટીલના પાર્ટ બનાવવામાં ભારત બીજા નંબર પર છે. ભારતે જાપાનને પછાડી ઓટો મોબાઇલ ઇન્ડસ્ટ્રીમાં ત્રીજા નંબરનું માર્કેટ બન્યું છે.
મન કી બાત થકી વડાપ્રધાને જનતાને ભારતમાં બનેલા રમકડા ખરીદવા આગ્રહ કર્યો અને ભારતમાં રમકડાના એક્સપોર્ટ 3 ગણો વધી રહ્યો છે. વડાપ્રધાન નરેન્દ્રભાઇ મોદીના 9 વર્ષમાં 18 લાખ કરોડ રૂપિયા ઇન્ફાસ્ટ્રકચરમાં વાપર્યા છે અને આ વર્ષે એક વર્ષમાં દસ લાખ કરોડ રૂપિયા ખર્ચ કરવામાં આવનાર છે. 54 હજાર કિ.મીના નેશનલ હાઇવે બન્યા છે. 606 કિમીની મેટ્રો રેલ ટ્રેન બનાવવામાં આવી છે. 9 વર્ષમાં 74 એરપોર્ટ દેશમાં બન્યા અને 8 એરપોર્ટ ગુજરાતમાં બન્યા.3 લાખ 28 હજાર કિમીના ગામાડમા રસ્તા બન્યા છે.
