રાજ્યમાં છૂટા છવાયા વરસાદી ઝાપટા જોવા મળશે. દક્ષિણ ગુજરાત, મધ્ય ગુજરાત સહીતના વિવિધ જિલ્લાઓમાં વરસાદી ઝાપટા 24 કલાકમાં જોવા મળશે.
વરસાદે એકવાર વિરામ લીધો છે ત્યારે ખેડૂતો વરસાદની રાહ જોઈ રહ્યા છે. કેમ કે, પાકને વરસાદ ખેંચાતા નુકસાન થવાની ભીતિ વ્યક્ત કરવામાં આવી છે. ત્યારે નર્મદાના પાણી છોડવાની પણ માગ ક્યાંક ઉઠી રહી છે. ત્યારે આગામી 7 દિવસ છૂટોછવાયો વરસાદ પડશે તેમ હવામાન વિભાગ દ્વારા આગાહી કરવામાં આવી છે.
24 કલાકમાં અનેક જિલ્લામાં સામાન્ય વરસાદી ઝાપટાની આગાહી કરવામાં આવી છે. સૌરાષ્ટ્ર અને દક્ષિણ ગુજરાતમાં પણ વરસાદ વરસી શકે છે. તેમ હવામાન વિભાગ દ્વારા કહેવામાં આવ્યું છે.
સુરત, વલસાડ, નવસારી, તાપી, ડાંગ સહીતના દક્ષિણ ગુજરાતના વિસ્તારોમાં વરસાદની આગાહી કરવામાં આવી છે. આ ઉપરાંત અમદાવાદ અને ગાંધીનગરમાં છૂટોછવાયો વરસાદ પડશે તેમ આગાહી હવામાન વિભાગ દ્વારા કરવામાં આવી છે.
ગુજરાતમાં જુલાઈ મહિનામાં જે રીતે વરસાદે તબાહી મચાવી હતી. તેમાં પણ સૌરાષ્ટ્રમાં જૂનાગઢ સહીતના વિસ્તારોમાં બારેમેંઘ ખાંગા જેવી સ્થિતિ જોવા મળી હતી ત્યારે વરસાદની સિસ્ટમ હાલ કોઈ સક્રીય ન હોવાથી છૂટોછવાયો વરસાદ પડશે.
