વડાપ્રધાન નરેન્દ્ર મોદી બુધવારે લોકસભામાં રાષ્ટ્રપતિના અભિભાષણ પર ચર્ચાનો જવાબ આપી રહ્યા હતા. આ દરમિયાન એક એવી ઘટના સામે આવી જ્યારે સંસદમાં હાજર તમામ સાંસદો હસવાનું રોકી શક્યા નહીં. પીએમ મોદીએ કહ્યું કે કોંગ્રેસના વરિષ્ઠ નેતા શશિ થરૂરનો આભાર. આ સાંભળીને તમામ સાંસદો હસવા લાગ્યા.
વાસ્તવમાં પીએમ મોદી બુધવારે લોકસભામાં રાષ્ટ્રપતિના અભિભાષણ પર ચર્ચાનો જવાબ આપી રહ્યા હતા ત્યારે કોંગ્રેસના તમામ સાંસદો ગૃહમાંથી વોકઆઉટ કરી ગયા. જોકે થોડા સમય બાદ શશિ થરૂર ગૃહમાં પાછા આવ્યા. શશિ થરૂરને જોઈને પીએમ મોદીએ તેમને કહ્યું, ‘થેંક યૂ શશિ જી…’. આ સાંભળીને તમામ સાંસદો હસવા લાગ્યા. ભાજપના સાંસદોએ ‘હો ગયા કોંગ્રેસ મે બંટવારા’ના નારા લગાવવાનું શરૂ કરી દીધું. જો કે, થોડા સમય બાદ રાહુલ ગાંધી પણ કોંગ્રેસના અન્ય સાંસદો સાથે ગૃહમાં પાછા આવી ગયા.
પીએમ મોદીએ કોંગ્રેસ પર કટાક્ષ કર્યો
ચર્ચા દરમિયાન કોંગ્રેસ પર પ્રહાર કરતા પીએમ મોદીએ કહ્યું કે કોંગ્રેસના પતન અંગે હાર્વર્ડ યુનિવર્સિટીમાં અભ્યાસ કરવામાં આવ્યો છે. મને ખાતરી છે કે ભવિષ્યમાં માત્ર હાર્વર્ડમાં જ નહીં પણ મોટી યુનિવર્સિટીઓમાં પણ કોંગ્રેસના પતન પર અભ્યાસ થશે. પીએમ મોદીએ આ પ્રસંગે દુષ્યંત કુમારની એક પંક્તિ પણ કહી. પીએમ મોદીએ કહ્યું કે કોંગ્રેસ માટે આ લાઇન ખૂબ જ ફિટ બેસે છે, ‘તુમ્હારે પાંવ કે નીચે કોઈ જમીન નહીં, કમાલ યે હૈ કિ ફિર ભી તુમ્હેં યકીન નહીં.’
પીએમ મોદીએ ચર્ચા દરમિયાન કોંગ્રેસ પર પ્રહારો કર્યા. તેમણે કહ્યું, “છેલ્લી સદીમાં, હું પણ કાશ્મીર ગયો હતો અને આતંકવાદીઓએ પોસ્ટર લગાવ્યા હતા કે – કોણ છે એવું, જેણે માનું દૂધ પીધું છે જે લાલ ચોક પર તિરંગો ફરકાવશે. મેં તે વર્ષે 23મી જાન્યુઆરીએ જાહેરાત કરી હતી કે 26મી જાન્યુઆરીએ હું આવીશ, સુરક્ષા અને બુલેટ પ્રૂફ જેકેટ વિના આવીશ અને ત્રિરંગો ફરકાવીશ…” પીએમ મોદીએ કહ્યું કે કોંગ્રેસના એક નેતાએ પણ થોડા દિવસો પહેલા કાશ્મીરનો પ્રવાસ કર્યો હતો. તેમણે હવે ફરક સ્પષ્ટપણે દેખાયો હશે.
