હાલમાં ઘણી ગ્લોબલ કંપની પોતાના કર્મચારીઓને નોકરીમાંથી છુટ્ટા કરી રહી છે ત્યારે હવે એક રિપોર્ટ સામે આવ્યો છે. આ રિપોર્ટ અનુસાર, આગામી પાંચ વર્ષમાં ભારતીય જોબ માર્કેટમાં 22 ટકાનો ઘટાડો થવાની ધારણા છે. તે જ સમયે, AI, મશીન લર્નિંગ અને ડેટા સેગમેન્ટ્સની માંગમાં વધારો થવાની ધારણા છે. વર્લ્ડ ઇકોનોમિક ફોરમ (WEF) એ તેના નવીનતમ ફ્યુચર ઓફ જોબ્સ રિપોર્ટમાં જણાવ્યું છે કે વૈશ્વિક સ્તરે, જોબ માર્કેટમાં 23 ટકાનો ઘટાડો થવાનો અંદાજ છે, જેમાં 2027 સુધીમાં 69 મિલિયન નવી નોકરીઓનું સર્જન થવાની ધારણા છે અને 83 મિલિયન નોકરીઓ ખતમ થવાની ધારણા છે.
વૈશ્વિક સ્તરે રોજગારમાં 23 ટકા ફેરફારની અપેક્ષા
WEF એ જણાવ્યું હતું કે, આગામી પાંચ વર્ષમાં 10.2 ટકા વૃદ્ધિ અને 12.3 ટકા ઘટાડા દ્વારા (વૈશ્વિક સ્તરે) લગભગ ચોથા ભાગની નોકરીઓ (23 ટકા) બદલાવાની અપેક્ષા છે. રિપોર્ટ માટે સર્વેક્ષણ કરવામાં આવેલ, 803 કંપનીઓના અંદાજ મુજબ, નોકરીદાતાઓને ડેટાસેટમાં 673 મિલિયન નોકરીઓમાંથી 69 મિલિયન નવી નોકરીઓના સર્જન અને 83 મિલિયન નોકરીઓના ખતમ થવાની અપેક્ષા છે. આવી સ્થિતિમાં, 1.4 કરોડ નોકરીઓમાં ઘટાડો થઈ શકે છે, જે વર્તમાન રોજગારના લગભગ 2 ટકા છે.
