રેલવે દેશભરમાં એક પછી એક વંદે ભારત ટ્રેનો શરૂ કરી રહી છે. આ સાથે રેલવે પણ ફીડબેકના આધારે વંદે ભારત ટ્રેનોમાં ફેરફાર કરી રહ્યું છે. કેન્દ્રીય રેલવે મંત્રી અશ્વિની વૈષ્ણવે શનિવારે કહ્યું કે વંદે ભારત ટ્રેનમાં 25 નવા ડેવલપમેન્ટ કરવામાં આવ્યા છે. તેમણે કહ્યું કે, રેલવે ફીડબેકના આધારે વંદે ભારત ટ્રેનોમાં ફેરફાર કરી રહ્યું છે. રેલવે મંત્રીએ કહ્યું કે, નવા સેફ્ટી ફીચર એન્ટી ક્લાઈમ્બર્સ પર પણ કામ કરવામાં આવી રહ્યું છે. ખાસ વાત એ છે કે વંદે ભારત ટ્રેન હવે એક અલગ રંગમાં જોવા મળી રહી છે. નવી વંદે ભારત ટ્રેન ઓરેન્જ, વ્હાઇટ અને બ્લેક કલર કોમ્બિનેશનમાં જોવા મળે છે.
વંદે ભારત ટ્રેન નવા રંગમાં
હવે તમને વંદે ભારત ટ્રેન અન્ય રંગોમાં પણ જોવા મળશે. નવી વંદે ભારત ટ્રેનની કેટલીક તસવીરો અને વીડિયો સામે આવ્યા છે. આમાં, વંદે ભારત ટ્રેન કેસરી, સફેદ અને કાળા રંગોના સંયોજનમાં જોવા મળે છે. અત્યાર સુધી વંદે ભારત ટ્રેન માત્ર વાદળી અને સફેદ રંગમાં જ જોવા મળતી હતી.
ત્રિરંગામાંથી લેવામાં આવેલ નવો રંગ
કેન્દ્રીય રેલ મંત્રી અશ્વિની વૈષ્ણવે જણાવ્યું કે, વંદે ભારત ટ્રેનનો નવો રંગ તિરંગામાંથી લેવામાં આવ્યો છે. આ નવી વંદે ભારત ટ્રેનમાં નારંગી રંગ મુખ્ય રીતે ઊભરી રહ્યો છે. જ્યારે બાજુથી જોવામાં આવે ત્યારે કાળો અને નારંગી રંગ દેખાય છે. રેલવે મંત્રીએ ટ્વિટર પર નવી વંદે ભારત ટ્રેનની તસવીરો શેર કરી છે.
રેલવે મંત્રીએ કોચ ફેક્ટરીની મુલાકાત લીધી
રેલવે મંત્રી અશ્વિની વૈષ્ણવે શનિવારે ચેન્નાઈમાં ઈન્ટિગ્રલ કોચ ફેક્ટરી (ICF)ની મુલાકાત લીધી હતી. આ ફેક્ટરીમાં વંદે ભારત ટ્રેનો બનાવવામાં આવી રહી છે. રેલવે મંત્રીના આ પ્રવાસનો વીડિયો અને ફોટો સામે આવ્યા છે. આ તસવીરો પરથી વંદે ભારત ટ્રેનના નવા રંગની જાણકારી સામે આવી છે.
વંદે ભારતમાં 25 નવા ડેવલપમેન્ટ
અશ્વિની વૈષ્ણવે જણાવ્યું કે વંદે ભારત ટ્રેનમાં 25 નવા ડેવલપમેન્ટ કરવામાં આવ્યા છે. રેલવે મંત્રીએ કહ્યું, ‘હાલ કાર્યરત વંદે ભારત ટ્રેનમાંથી અમને જે ફીડબેક મળી રહ્યા છે તેના પર અમે કામ કરી રહ્યા છીએ. અમે બીજી ઘણી બાબતોની પણ ચર્ચા કરી છે. અમે નવા સેફ્ટી ફીચર એન્ટી-ક્લાઇમ્બર્સ પર પણ કામ કરી રહ્યા છીએ.
