ગુજરાતી કલાકાર અને ટીવી શો તારક મહેતા કા ઉલ્ટા ચશ્મામાં જેઠાલાલનો રોલ કરનાર દિલીપ જોશીના જીવને ખતરો છે. આ મામલે અજાણ્યા શખ્સે ફોન કરતા આ મામલો સામે આવ્યો છે. ફોનમાં દિલીપ જોશીના ઘરને 25 લોકોએ ઘેરી લીધું હોવાનું જણાવતા પોલીસ પણ એલર્ટ થઈ ગઈ હતી. આ મામલે ગુજરાતી કલાકારના જોખમ મામલે નાગપુર પોલીસે મુંબઈ પોલીસને એવર્ટ કરી દીધી છે.
તારક મહેતા કા ઉલ્ટા ચશ્મામાં જેઠાલાલનું પાત્ર ભજવનાર દિલીપ જોશી ગુજરાતના ખૂબ જ જાણીતા કલાકાર છે.
અમિતાભ અને ધર્મેન્દ્ર બાદ દિલીપ જોશીનો જીવ જોખમમાં હોવાનું કહેવાય છે. દિલીપ જોશીના ઘરની આસપાસ 25 ગુંડાઓ ફરે છે. તેવી વાત સામે મળી છે. ગુંડાઓના હાથમાં હથિયાર પણ છે. નાગપુર પોલીસ કંટ્રોલ રૂમમાં કોઈ અજાણ્યા વ્યક્તિએ આ સમાચાર આપતા જ પોલીસે દિલીપ જોશીને સતર્ક રહેવા કહ્યું છે.
જેઠાલાલના પાત્રથી દર્શકોને હસાવનાર અને હસાવનાર દિલીપ જોષીના ચાહકોને એ વિચારીને નવાઈ લાગે છે કે તેમનું દુશ્મન કોણ છે. આ કોલ પોલીસ કંટ્રોલ રૂમને મળ્યો હતો. આ કોલમાં તે વ્યક્તિએ જણાવ્યું હતું કે કેવી રીતે દિલીપ જોશીના ઘર પાસે શિવાજી પાર્કમાં 25 ગુંડા બોમ્બ હથિયારો સાથે તહેનાત છે. માત્ર દિલીપ જોશી જ નહીં પરંતુ બોલિવૂડના મેગાસ્ટાર અમિતાભ બચ્ચન, ધર્મેન્દ્ર સહીતના અન્ય મોટા કલાકારોને પણ જોખમ હોવાનું સામે આવ્યું હતું ત્યારે આ સમાચાર સાંભળ્યા બાદ આ તમામ સ્ટાર્સના ફેન્સ તેમને સુરક્ષા સાથે રહેવાની સલાહ પણ આપી રહ્યા છે.
