ક્રિકેટ ચાહકો પર એમએસ ધોનીનો જાદુ હજુ યથાવત છે, તે બુધવારે રાત્રે ફરી એકવાર બધાને ખબર પડી. ધોનીની લાઈવ બેટિંગ જોવા માટે રેકોર્ડબ્રેક દર્શકો ઓનલાઈન હતા. રાજસ્થાન અને ચેન્નાઈ વચ્ચેની મેચમાં જ્યારે ધોની બેટિંગ કરી રહ્યો હતો ત્યારે લાઈવ સ્ટ્રીમિંગ જોનારાઓની સંખ્યા 22 મિલિયન સુધી પહોંચી ગઈ હતી. IPL 2023ના દર્શકોની આ સૌથી વધુ સંખ્યા છે.
IPLમાં ગઈકાલે રાત્રે રાજસ્થાન રોયલ્સ અને ચેન્નાઈ સુપર કિંગ્સ સામસામે હતા. આ મેચમાં, લગભગ સમગ્ર સમય માટે ઓનલાઈન સ્ટ્રીમિંગ જોનારા લોકોની સંખ્યા એક કરોડથી વધુ હતી. જેમ જેમ મેચ છેલ્લી ઓવરો તરફ આગળ વધતી ગઈ તેમ તેમ દર્શકોની સંખ્યામાં પણ વધારો થયો. ધોની પીચ પર બેટિંગ કરવા આવ્યો તે પછી તેમાં સૌથી વધુ વધારો થયો. આ મેચને 2.2 કરોડથી વધુ ક્રિકેટ ચાહકો એક સાથે જોઈ રહ્યા હતા.
વિરાટ કોહલીની RCB અને KL રાહુલની LSG વચ્ચેની ટક્કરને IPL 2023ના સૌથી વધુ ડિજિટલ વ્યૂઝ મળ્યા હતા. RCB vs LSG મેચ એકસાથે જોનારા લોકોની સંખ્યા 18 મિલિયનને વટાવી ગઈ છે. પછીની બે સૌથી વધુ જોવાયેલી મેચો માત્ર ધોનીની ટીમની હતી. ચેન્નાઈ અને લખનૌ વચ્ચેની મેચને 1.7 કરોડ વ્યુઝ મળ્યા હતા. ચેન્નાઈ અને ગુજરાત વચ્ચેની મેચનું લાઈવ સ્ટ્રીમિંગ નિહાળનારા લોકોની સંખ્યા 16 મિલિયન સુધી પહોંચી ગઈ હતી.
Jio સિનેમા પર મેચ ફ્રીમાં જોઈ શકો છો
IPL 2023ની તમામ મેચોનું લાઈવ સ્ટ્રીમિંગ Jio સિનેમા એપ પર કરવામાં આવી રહ્યું છે. આ એપ્લિકેશનની સામગ્રી જોવા માટે કોઈ સબ્સ્ક્રિપ્શન શુલ્ક નથી. ક્રિકેટ ચાહકો આ OTT પ્લેટફોર્મ પર IPL લાઇવનો મફતમાં આનંદ માણી શકે છે. મફતમાં જોવા માટે ઉપલબ્ધ હોવાને કારણે IPL 2023 મેચોની ડિજિટલ વ્યૂઅરશિપ વધી રહી છે. ટેલિવિઝન પર આ મેચોનું લાઈવ ટેલિકાસ્ટ સ્ટાર સ્પોર્ટ્સ નેટવર્ક પર થઈ રહ્યું છે.
